राळेगाव तालुका प्रतिनिधी:-रामभाऊ भोयर (9529256225)

राळेगाव नगरपंचायत निवडणुकीच्या प्रचाराची रणधुमाळी सुरू झाल्याचे पहायला मिळत आहे. निवडणुकीच्या पार्श्वभूमीवर माजी प्रदेशाध्यक्ष माणिकरावजी ठाकरे, काँग्रेस प्रदेश कार्याध्यक्ष शिवाजीरावजी मोघे,माजी शिक्षणमंत्री वसंतरावजी पुरके, एडवोकेट प्रफुल्लभाऊ मानकर यांनी जोरदार प्रचाराला सुरुवात केली आहे.फक्त प्रचार सभा व मिरवणूक न घेता थेट बाजारात जाऊन व्यावसायिकांच्या गाठी भेटी घेत नागरिकांना विश्वासात घेतांना काँग्रेस दिसत आहे.

राळेगाव नगरपंचायत निवडणूक रणधुमाळी सुरू झाली असून जनतेने काँग्रेसला आशिर्वाद द्यायचे ठरविले आहे असे मत माणिकरावजी ठाकरे यांनी व्यक्त केले.बसस्थानक चौकातून बिरसा मुंडा यांच्या पुतळ्याला माल्यार्पण करून मिरवणूक शुभारंभ करण्यात आला बाबासाहेब आंबेडकर,संत गाडगेबाबा यांच्या पुतळ्याला मान्यवरांनी माल्यार्पण करून विठ्ठल मंदिर सभागृहात प्रचार सभा आयोजित करण्यात आली, यावेळी काँग्रेस जिल्हा प्रवक्ता अरविंदभाऊ वाढोनकर,तालुका अध्यक्ष अरविंदभाऊ फुटाणे,शहर अध्यक्ष प्रदीपभाऊ ठुने यांनी रणनीती आखली,सदर मिरवणूकिला हजारोच्या संख्येने जनतेने उपस्थिती लावली आणि येणाऱ्या निवडणूक मध्ये काँग्रेस पक्षाचा विजय होणार अशी घोषणाबाजी करण्यात आली.यावेळी जानरावजी गिरी,नंदूभाऊ गांधी,अंकुशराव मुनेश्वर,राजूभाऊ तेलंगे,अफ़सर अली सौय्यद,उन्मेष पुरके,निलेश हिवरकर व हजारोच्या संख्येने कार्यकर्ते व जनसमुदाय होता.