“

             राळेगाव तालुका प्रतिनिधी रामभाऊ भोयर 

न्यू इंग्लिश हायस्कूल व कनिष्ठ महाविद्यालय विद्यमाने शनिवार दिनांक 9 ऑगस्ट 2025 ला शासन आदेशानुसार “हर घर तिरंगा अभियान ” अंतर्गत राळेगाव शहरांतील प्रमुख मार्गांवर भव्य तिरंगा रॅली काढून दिनांक 13 ते 15 ऑगस्ट या दरम्यान शहरातील प्रत्येक नागरिकांनी आपल्या घरावर तिरंगा फडकविण्या करिता रॅलीच्या माध्यमातून जनजागृती करण्यात आली..भव्य अशा या तिरंगा रॅली करिता महात्मा गांधी व क्रांतीसूर्य बिरसा मुंडा यांच्या प्रतिमेचे पूजन व पुष्पहार अर्पण करून न्यू एज्युकेशन सोसायटी च्या सचिव डॉ. अर्चना धर्मे व राळेगाव तहसीलदार अमित भोईटे यांनी हिरवी झेंडी दाखवून शाळेतून शुभारंभ केला. या भव्य तिरंगा रॅली मध्ये शाळेतील जवळपास 1600 विद्यार्थी व शिक्षक यांच्या सह शाळेतील स्व. केशवराव चिरडे स्काऊट गाईडपथक,राष्ट्रीय छात्र सेना (NCC),राष्ट्रीय सेवा योजना, रोव्हर पथक,राष्ट्रीय हरित सेना, प्रहारी गट यांचे विद्यार्थी पथक सहभागी होते… भव्य या तिरंगा रॅली चे मुख्य आकर्षण भारत माता वेशभूषाधारी विद्यार्थीनी.. तसेच ग्रंथ दिंडी, वृक्ष दिंडी, हे होते. भव्य या तिरंगा रॅली च्या वेळी राळेगाव शहरातील अनेक चौकात विद्यार्थ्यांचे नागरिकांनी उत्सपुर्थ स्वागत केले. भव्य अशा तिरंगा रॅली या उपक्रमास मार्गदर्शन व सहकार्य शाळेचे मुख्याध्यापक विजय कचरे , उपमुख्याध्यापक सुरेश कोवे, पर्यवेक्षक सूचित बेहरे, शिफ्ट इन्चार्ज अरुण कामनापुरे तथा शाळेतील सर्व विद्यार्थी, शिक्षक,प्राध्यापक व शिक्षिका यांनी केले..