सहसंपादक : रामभाऊ भोयर
अॅप्रो सामाजिक संस्थेद्वारे दिं ७ मार्च २०२५ रोज गुरुवारला वाढोना बाजार (टाकळी)हनुमान मंदिर येथे सुधारित कापूस आदर्श पद्धत प्रकल्प अंतर्गत कपाशी उत्पादक एलजी लीडर प्रशिक्षण कार्यक्रम संपन्न झाला.
या प्रशिक्षणाला १९ गावातील ७५ प्रगतशिल शेतकरी बांधवांना एल जी लीडर यांना पुनरावृत्ती प्रशिक्षण देण्यात आले.
सुधारित कापूस आदर्श पद्धत प्रकल्पांतर्गत कार्यक्रमाला अध्यक्ष म्हणून शेअरअल्ली बापू लालानी (सामाजिक कार्यकर्ते) होते. तर या कार्यक्रमाला प्रमुख पाहुणे म्हणून प्रफुल तायवाडे, श्रीकृष्ण ठाकरे ,मोहन घोडे, तर मार्गदर्शक म्हणून प्रकल्प व्यवस्थापक सचिन माताळे ऍप्रो यवतमाळ ,नंदकिशोर डेहनकर मॅनेजर राळेगाव हे होते.
यावेळी नंदकिशोर डेहनकर यांनी प्रकल्पातील तत्त्व व निकष या विषयावर मार्गदर्शन केले तसेच डेटा व्यवस्थापन नैसर्गिक संसाधने पीक संरक्षण माती पाणी कापूस धाग्याची गुणवत्ता व्यवस्थापन चांगले काम स्त्री- पुरुष समानता शाश्वत उपजीविका इत्यादी विषयावर मार्गदर्शन केले तसेच सचिन माताळे यांनी जमिनीची सुपीकता माती आरोग्य व सापळा पीक मिश्र पीक पद्धती पीक नियोजन करण्याच्या विषयावर मार्गदर्शन केले कार्यक्रमाचे अध्यक्ष शेअरअल्ली र बापू लालानी यांनी सुधारित आदर्श कापूस प्रकल्प मातीतील गुणधर्म रासायनिक खतांचा व कीटकनाशके याचा कमी वापर करून जैवक पद्धतीचा अवलंब करावा जैविक कंपोस्ट खते जैविक कीटकनाशके निंबोळी अर्क दशपर्णी अर्क इत्यादी वापर करावा या विषयावर मार्गदर्शन केले . गजानन राऊत यांनी आपले मनोगत व्यक्त केले.तर गोविंद शिंदे यांनी जैविक कीटकनाशके बनविण्यासाठी पद्धतीची माहिती दिली या कार्यक्रमाचे सूत्रसंचालन (कृषी मित्र) डी एम बावणे यांनी केले तर कार्यक्रम यशस्वी होण्यासाठी राजकुमार बेताल चिंतामण टेकाम प्रवीण चिडे वृषभ दारुडे देवेंद्र निकुडे निखिल इंगोले तृप्ती डंभारे यांनी परिश्रम घेतले असून या कार्यक्रमात मोठ्या प्रमाणावर शेतकरी बांधव उपस्थित होते.
