सहसंपादक ::रामभाऊ भोयर
राळेगाव :
मुख्यमंत्री देवेंद्र फडणवीस यांच्या वाढदिवसानिमित्त राळेगाव येथील ग्रामीण रुग्णालयात भव्य रक्तदान शिबीर व वृक्षारोपण कार्यक्रमाचे आयोजन करण्यात आले. या उपक्रमात अनेक युवकांनी उत्स्फूर्तपणे रक्तदान करत सामाजिक बांधिलकी जपली.या कार्यक्रमास राळेगाव मतदारसंघाचे आमदार व आदिवासी विकास मंत्री अशोक उईके, तसेच भाजपचे जिल्हाध्यक्ष प्रफुल्लसिंह चौहान उपस्थित होते. मंत्री अशोक उईके यांच्या हस्ते वृक्षारोपण करण्यात आले. “मुख्यमंत्र्यांच्या वाढदिवसानिमित्त उपक्रम राबवून समाजापुढे सकारात्मक उदाहरण ठेवण्याचा आमचा प्रयत्न आहे,” असे त्यांनी यावेळी सांगितले.
या शिबिरात भाजप शहराध्यक्ष डॉ. कुणाल भोयर, माजी पंचायत समिती सभापती प्रशांत तायडे, सौ. छायाताई पिंपरे, संदीप पेंदोर, आशिष इंगोले, शुभम मुके यांच्यासह अनेक कार्यकर्ते व नागरिक सहभागी झाले होते.राज्यभरात मुख्यमंत्री फडणवीस यांच्या वाढदिवसानिमित्त विविध ठिकाणी वृक्षारोपण, रक्तदान, दिव्यांगांना मदत, विद्यार्थ्यांना शालेय साहित्य वाटप आदी उपक्रम राबविण्यात येत आहेत.
पावसाळ्यानंतर डेंग्यू, मलेरिया, टायफॉईडसारख्या आजारांमुळे रक्ताची मागणी वाढते. अपघात, शस्त्रक्रिया अशा आपत्कालीन प्रसंगीही रक्ताची गरज भासते. ग्रामीण रुग्णालयात दररोज अनेक गरजू रुग्णांची उपचारासाठी उपस्थिती असते. आर्थिकदृष्ट्या दुर्बल घटकांकरिता वेळेवर रक्त उपलब्ध होण्यासाठी रक्तसाठा तयार ठेवणे आवश्यक आहे.
मुख्यमंत्री देवेंद्र फडणवीस यांच्या वाढदिवसानिमित्त घेतलेल्या या उपक्रमामध्ये मोठ्या प्रमाणात रक्तसंकलन करण्यात आले असून, भविष्यातही हे अभियान सुरू ठेवण्याचा संकल्प मंत्री अशोक उईके यांनी व्यक्त केला.
- प्रा. डॉ. अशोक उईके
आदिवासी विकास मंत्री तथा पालकमंत्री, चंद्रपूर जिल्हा
राळेगाव विधानसभा मतदारसंघ
