वरोरा तालुक्यातील कुचना गावाजवळ असलेल्या पाटाळा रोड वर असलेल्या नागलोन खदानी जवळ पुलाच्या बाजूला एक अज्ञात इसमाचा मृतदेह आढळल्याने खळबळ माजली आहे.अज्ञात इसमाचे वय अंदाजे 35 ते 45 च्या दरम्यान आहे.नदीच्या पुराने प्रभावित झालेल्या पाटाळा गावाच्या नागरिकांना सुरक्षित ठिकाणी हलविण्यात आले असून त्याच मार्गावर अज्ञात इसमाचा मृतदेह आढळल्याने हा घातपात आहे की आत्महत्या हा प्रश्न सर्वांसमोर आहे.ज्या ठिकाणी हा मृतदेह आढळला तिथे असणाऱ्या पुलाला रक्ताचे डाग लागले असल्याने लोकहीत महाराष्ट्र च्या प्रतिनिधी नी कळविले आहे. पोलीस प्रशासन घटनास्थळी हजर झाले असून पुढील तपास सूरु आहे .पोलीस तपास पूर्ण झाल्यानंतर च सत्य बाहेर येईल अशी नागरिकांना आशा आहे.