हदगांव ( कृष्णा चौतमाल प्रतिनिधी ) –

हदगाव तालुक्यातील कोळी येथे गणेशोत्सवा ची तय्यारी जोरात चालू असून गणपती बाप्पाच्या आगमनाची उत्सुकता नव युवकांना चांगलीच लागली आहे.
हिंदू धर्मामध्ये अनेक सण साजरी केले जातात.
मात्र गणेशोत्सव हा सण अत्यंत महत्वाचा सण असून मोठ्या उत्साहात साजरा केला जातो. कोरोनाच्या दोन वर्षांच्या काळामध्ये गणेशोत्सव थाटामाटात साजरा करता आला नाही, मात्र ह्या वर्षी कोरोनाच्या नियमांमध्ये शिथिलता आल्यामुळे संपूर्ण महाराष्ट्रात गणेशोत्सव मोठ्या जल्लोषात साजरी करण्याच्या तयारी मध्ये नागरिक दिसत आहे. गणेशोत्सव अवघ्या सहा दिवसांवर येऊन ठेपला असल्याने गणपतीच्या साहित्याने संपूर्ण महाराष्ट्रासह नवी मुंबई शहरातील सर्व बाजारपेठा सजल्या आहेत. गणपती बाप्पा च्या सजावटी साठी लागणारे साहित्य बाजारामध्ये उपलब्ध आहे. बाप्पा च्या तयारी साठी लागणारे साहित्य खरेदी करण्यासाठी नागरिकांची सुरुवात झालेली आहे. साहित्य खरेदीसाठी बाजारामध्ये सकाळ संध्याकाळी नागरिकांची तुडुंब गर्दी पाहायला मिळत आहे. त्यामुळे संपूर्ण बाजारपेठा खुलून दिसत आहेत.
कोरोनाच्या संकटामधून बाहेर पडल्या नंतर नागरिकांमधील उत्साह शिगेला पोहचलेला आहे. कोळी येथे नादच खुळा जगदंब मित्र मंडळा तर्फे गेले ७ वर्षा पासून चालू असलेली पारंपरा गेल्या २ वर्षात कोरोना मुळे बंद पडली. या वर्षी कोरोना ची लाट ओसरली असून या वर्षी त्याच उत्साहात मंडळाने गणपती बाप्पाच्या आगमनाची तयारी सुरू केली आहे. मंडळाचे अध्यक्ष म्हणून अंकुश चौतमाल यांची एकमताने निवड करण्यात आली असून उपाध्यक्ष श्याम बोडखे , व कार्याध्यक्ष ज्ञानेश्वर जगताप , तर सदस्य म्हणून अविनाश जगताप , गोविंद जगताप , दशरथ चौतमाल , कृष्णा चौतमाल , विकास चौतमाल , गजानन जगताप , संदीप जगताप , गंगाधर जगताप , ऋषिकेश जगताप , भगवान जगताप , ऋषी चौतमाल , गोलू जगताप , दत्ता भुसारे , कपिल जगताप आदी. होते.