यवतमाळ जिल्हा प्रतिनिधी रामभाऊ भोयर
दिनांक 8 जून रोजी विदर्भ माध्यमिक शिक्षक संघाच्या वतीने शिक्षणाधिकारी माध्यमिक व वेतन पथक अधीक्षक यांना दिलेल्या निवेदनानुसार 25 तारखेला विदर्भ माध्यमिक शिक्षक संघाच्या वतीने बेमुदत ठिय्या आंदोलन करण्याचे ठरले आहे.
त्यानुसार जोपर्यंत जिल्ह्यातील प्रत्येक शिक्षकांचा भविष्य निर्वाह निधी हिशोब पूर्ण होवून त्यांच्या हातात हिशोबांच्या चिठ्ठ्या मिळणार नाही तोपर्यंत आम्ही कार्यालयातून उठणार नाही अशा प्रकारचे निवेदन संघटनेच्या वतीने देण्यात आले आहे.
या संभाव्य आंदोलनाची दखल घेऊन मा. शिक्षणाधिकारी पागोरे साहेब यांनी वेतन पथक अधीक्षक वानखेडे साहेब व इतर कर्मचाऱ्यांची तातडीची सभा घेतली व सभेमध्ये भविष्य निर्वाह निधी हिशोब चिठ्ठ्यच्या कामाला ताबडतोब सुरुवात करून जलद गतीने चिठ्ठ्या करणे पूर्ण करण्याचे निर्देश संबंधितांना देण्यात आले असूनत्यानुसार पंधरा वर्षापासून प्रलंबित असणारे काम जलद गतीने सुरू झाले आहे.
येत्या 8 दिवसांमध्येच 50 शाळांच्या हिशोबचिठ्या तयार झाल्या व इतर 50 शाळांच्या हिशोबचिठ्ठ्या वाटपाचे नियोजन जाहीर करण्यात आले .
विदर्भ माध्यमिक शिक्षक संघाच्या संभाव्य आंदोलनाच्या धसक्याने व शिक्षक व शिक्षकेतर कर्मचाऱ्यांच्या समस्या सोडवण्यासाठी सतत प्रयत्नशील असणारे माननीय शिक्षक आमदार सुधाकरराव अडबाले यांनी माननीय शिक्षण संचालक यांना दिलेल्या पत्राने जिल्ह्यातील हिशोबाचे काम जलद गतीने सुरू आहे.
विदर्भ माध्यमिक शिक्षक संघाने दिलेल्या निवेदनानुसार 22 तारखेपर्यंत हे काम पूर्ण न झाल्यास 25 तारखेला बेमुदत ठिय्या आंदोलन करण्यात येणार असल्याची माहिती विदर्भ माध्यमिक शिक्षक संघाचे यवतमाळ जिल्हा अध्यक्ष पवन बन सर जिल्हा कार्यवाह रामकृष्ण जिवतोडे सर यांनी दिली असल्याचे श्रावनसिंग वडते सर यांनी प्रसिद्धी पत्रकाद्वारे कळविले आहे.
