सहसंपादक :: रामभाऊ भोयर
दरवर्षीप्रमाणे याही वर्षी संत तुकडोजी महाराज उच्च प्राथमिक शाळा राळेगाव येथे वार्षिक स्नेहसम्मेलनाचा कार्यक्रम अतिशय उत्साहात संपन्न झाला. सदर सांस्कृतिक कार्यक्रमामध्ये खैरी केंद्राचे केंद्रप्रमुख मा. श्री. हरिदास वैरागडे यांची विस्तार अधिकारी (शिक्षण) पदावर पदोन्नती निमित्य शाळेच्या वतीने संस्थेचे सचिव श्रीधर येनोरकर व सौ. ज्योती श्रीधर येनोरकर यांनी शाल व श्रीफळ देऊन सत्कार करण्यात आला. सत्कारावर प्रतिक्रिया देत वैरागडे सरांनी येनोरकर दाम्पत्यांनी शून्यातून विश्व निर्माण केल्याचे सांगून गुणगाण केले. विद्यार्थ्याच्या कलागुणांना चालना मिळावी, त्यांना नृत्यकलेसोबतच राष्ट्रभक्ती, लोककला, लोकनृत्य, वारकरी भक्ती संप्रदायातील भारूड, गवळण, आदिवासी लोकनृत्य, लेझीम नृत्य अश्या अनेक प्रकारच्या नृत्यप्रकारांचे ज्ञान मिळवणे आणि यातील कला गुण आत्मसात करण्याची सुवर्ण संधी उपलब्ध करून देण्यात आली. विद्यार्थयांनी सुद्धा या संधीचा पुरेपूर लाभ घेत अतिशय उत्साहाने कार्यक्रमात सहभागी होऊन या वार्षिक स्नेहसम्मेलनाचा मनसोक्त आनंद लुटला. याप्रसंगी मातोश्री मंजुळा माता ग्राम निर्माण शिक्षण संस्थेचे सचिव मा. श्रीधर येनोरकर हे अध्यक्षीय स्थानी तर सेवा निवृत्त मुख्याध्यापक किशोर कोल्हे प्रमुख अतिथी आणि नवनियुक्त विस्तार अधिकारी हरिदास वैरागडे हे सत्कारमूर्ती म्हणून उपस्थित होते. तसेच शाळेतील जेष्ठ शिक्षिका सौ ज्योती येनोरकर, शाळा व्यवस्थापन समितीचे सर्व सदस्य तथा शाळेचे मुख्याध्यापक उमेश बुरले प्रमुख पाहुणे म्हणून मंचावर विराजमान होते. सदर स्नेहसम्मेलनाच्या उदघाटन व सत्कार सोहळ्याचे सूत्रसंचालन सहाय्यक शिक्षक आनंद रामटेके यांनी तर सांस्कृतिक कार्यक्रमाचे सूत्रसंचालन सहाय्यक शिक्षक गणेश वरूडकर यांनी केले. कार्यक्रमाचे प्रास्ताविक मुख्याध्यापक बुरले यांनी केले असून संपूर्ण कार्यक्रमाच्या यशस्वितेकरिता शाळेतील राहुल सोयाम, पवन गलाट, अमोल पाहुणे, तोटे म्याडम, दिपाली पारडे, प्रियंका जाधव आदी शिक्षक व शिक्षकेतर कर्मचारी यांनी अतिशय परिश्रम घेतले. कार्यक्रमाच्या शेवटी शाळेतील सर्व विद्यार्थी आणि शिक्षक यांनी एकत्रितरित्या सामूहिक डान्स करत कार्यक्रमाचा मनसोक्त आनंद लुटला आणि वार्षिक स्नेहसम्मेलनाचा समारोप झाला.
