प्रतिनिधी:वरून त्रिवेदी, वरोरा

चंद्रपूर : वरोरा तालुक्यातील कळमगव्हाण येथे हरभरा काढताना मळणीयंत्रात अडकून युवकाचा मृत्यू झाल्याची घटना आज दुपारी १. oo वाजेच्या सुमारास घडली.

बोर्डा येथील युवक गोलू चौधरी (27) हा मळणीयंत्रावर रोजंदारीने काम करत होता. ट्रॅक्टरला मळणीयंत्र जोडलेले होते. गोलू हरभरा मळणीयंत्रातून काढत असताना त्याच्या हात अचानक यंत्रात अडकला, आणि तोल गेल्याने त्याला मळणीयंत्रात ओढून घेतले. यावेळी गोलू चौधरी यांचा मळणीयंत्रात अडकून मृत्यू झाला. घटनास्थळी बघ्यांची मोठी गर्दी जमली होती. सदर घटनेची माहिती पोलिसांना देण्यात आली. घटनास्थळाचा पंचनामा केला गेला याप्रकरणी तपास वरोरा पोलीस करीत आहे.