यवतमाळ जिल्हा प्रतिनिधी रामभाऊ भोयर

दिघी येथे आयोजित करण्यात आलेल्या “14 एप्रिल डॉ. बाबासाहेब आंबेडकर जयंती उत्सवानिमित्त” रॅली बंदोबस्ता करिता नियुक्त करण्यात आलेल्या सर्व पोलीस अधिकारी, कर्मचारी व उपस्थित भीम अनुयायी यांना सोजाई (सप्तश्रुंगी) आदिवासी महिला विकास फाऊंडेशन तर्फे विनामूल्य पाणि बॉटल आणि फलाहार वाटप करण्यात आले. ही सुविधा उपलब्ध करून देण्यासाठी दिघी पोलीस स्टेशनचे वरिष्ठ पोलीस निरीक्षक वाघ साहेब यांना रीतसर पत्र देखील देण्यात आले होते.

रॅलीमधील डीजे ऑपरेटर पासून, लेझीम पथक,सर्व भीम अनुयायी उपासक, उपासिका सर्व पोलीस अधिकारी,कर्मचारी यांनी थंड पाणि आणि कलिंगड शरबताचा मनोसक्त आनंद लुटत सोजाई (सप्तश्रुंगी)आदिवासी महिला विकास फाऊंडेशन च्या सर्व पदाधिकाऱ्याचे कौतुक केले.

या स्तुत्य उपक्रमासाठी संस्थेचे अध्यक्ष डॉ.प्रशांत चव्हाण,उपाध्यक्ष डॉ.ओमकार चव्हाण,सचिव अँड.जयश्री सोनवणे, खजिनदार द्रौपदी सोनवणे, दत्तात्रय चव्हाण, लताबाई चव्हाण, संगीता बोरुडे या सर्व पदाधिकाऱ्यानीं अथक परिश्रम घेतले.