यवतमाळ जिल्हा प्रतिनिधी रामभाऊ भोयर

यवतमाळ येथील प्रसिध्द फोटोग्राफर तथा स्थानिक जाजु चौक परिसरातील विनायक फोटो स्टुडिओचे संचालक संतोष डोमाळे यांचा समता पर्व प्रतिष्ठानचे वतीने समारोपीय कार्यक्रमात हृद्य सत्कार करण्यात आला. तत्कालीन जिल्हाधिकारी डॉ.हर्षदीप कांबळे यांनी यवतमाळ येथे समता पर्व कार्यक्रमाची मुहूर्तमेढ रोवली, त्यास यावर्षी २१ वर्षे पूर्ण झालीत. या एकविस वर्षाचा कालावधीत फोटोग्राफर म्हणून संतोष डोमाळे यांनी अत्यंत विनम्रपणे भूमिका बजावली. त्यांच्या या कार्याची दखल घेऊन यावर्षी समता पर्व प्रतिष्ठानचे वतीने सत्कार करण्यात आला.
समता पर्व प्रतिष्ठानचे वतीने जनमानसात समता प्रस्थापित करण्यासाठी सर्व समाजातील घटकांना घेऊन डॉ.बाबासाहेब आंबेडकर व महात्माज्योतीबा फुले यांचे विचार पोहचविण्याकरिता भारतातील अनेक विचारवंत या मंचावर निमंत्रित केले. अनेक नामवंत कलावंत सुध्दा समता पर्वाच्या मंचावर आपली कला सादर करुन गेलेत. परंतु या सर्व क्षणांचा साक्षीदार म्हणून कार्यक्रमाचे प्रत्येक क्षण आपल्या कॅमेर्‍यात कैद करुन ठेवले आहेत. त्यामुळे फोटोच्या स्वरुपात एक मोठा दस्तावेज तयार करण्याचे काम फोटोग्राफर संतोष डोमाळे यांनी केले. विशेष म्हणजे एकाही वर्षी कोणताही खंड न पडू देतो अविरतपणे त्यांच्याकडेच या फोटोग्राफीचे काम समता पर्व प्रतिष्ठानचे वतीने देण्यात येत असते. समता पर्व प्रतिष्ठान चे आकुश वाकडे दाखविलेला हा विश्वास संतोष डोमाळे यांची सार्थक करुन दाखविला. त्यामुळे समता पर्व प्रतिष्ठानचे आयोजकांकडून शाल व स्मृतिचिन्ह देऊन संतोष डोमाळे यांचा हृद्य सत्कार करण्यात आला.
सत्कार करताना समता पर्व प्रतिष्ठानचे अध्यक्ष एन.जे.थुल, प्रसिध्द कवी हेमंतकुमार कांबळे, आदी.