प्रतिनिधी:उर्मिला पोहीनकर, चंद्रपूर

डॉ. अरुण हुमणे यांची शासकीय वैद्यकीय महाविद्यालयाचे नवे अधिष्ठाता म्हणून 28 जानेवारी 2021 रोजी नियुक्त झाले होते. मावळते अधिष्ठाता डॉ. एस.एस. मोरे यांची कारकीर्द कोरोना नियंत्रणातील अव्यवस्थेने गाजली. सततच्या तक्रारीनंतर डॉ. मोरे यांना हटविण्याची सत्ताधारी आणि विरोधी पक्षांनी मागणी केली होती. त्यानंतर लोकसेवा आयोगाने सरळ सेवा भरती प्रक्रियेत प्रतीक्षा यादीतून डॉ. हुमणे यांची निवड केली.

जिल्ह्यातील कोरोना स्फोटानंतर परिस्थिती हाताळण्यात अपयश आल्याचा ठपका त्यांच्यावर ठेवण्यात आल्यामुळे डॉक्टर अरुण हुमणे यांची तडकाफडकी बदली करण्यात आली आहे.
महाविद्यालयातील वरिष्ठ विभाग प्रमुख डॉक्टर राजेंद्र सुरपाम यांच्याकडे प्रभार दिला जाण्याची शक्यता व्यक्त केली जात आहे. रुग्ण सुविधा उभारण्यावर घेऊन पालक मंत्री वडेट्टीवार आणि जिल्हाधिकारी नाराज असल्याची माहिती आहे. जिल्ह्यातील 8500 बाधितांपैकी 1000 रुग्ण आहेत. त्यातील काही रुग्ण गंभीर असून जिल्ह्यात नवीन बेड, ऑक्सिजन युक्त बेड, व्हेंटिलेटर वाढ करण्यात अधिष्ठाता हुमणे यांना अपयश आले होते.

महाविद्यालयातील 500 कंत्राटी कामगार किमान वेतनाच्या मागणीसाठी जिल्हाधिकारी कार्यालयासमोर दोन महिन्यापासून डेरा आंदोलन करीत असून त्यांच्या मागणीकडे कानाडोळा करण्यात आला. वैद्यकीय शिक्षण विभाग आणि कामगार विभागातील ताळमेळ नसल्याने प्रश्न चिघळला आहे.

अधिष्ठातांच्या बदलीने जिल्ह्यातील कोरोना उपचारातील हलगर्जीपणा पुढे आला असून अधिष्ठातांच्या बदलीने जिल्ह्यातील कोरोना परिस्थिती आटोक्यात येणार का असा प्रश्न यावेळी उपस्थित झाला आहे.