राळेगाव तालुका प्रतिनिधी:-रामभाऊ भोयर (9529256225)
मारेगाव: सदर परिसरात एका २८ वर्षांच्या महिलेला लग्नाचे आमिष दाखवून चार वर्षांपासून विवाहित महिलेवर र्लैंगिक अत्याचार करत होता. याप्रकरणी पिडीत महिलेच्या तक्रारीवरुन सदर पोलिसांनी आपोपीविरुद्ध गुन्हा दाखल केला आहे.कुणाल दशरथ गोडे (२५) रा. अर्जुनी असे आरोपीचे नाव आहे.
पीडित महिलेचे लग्न २०११ मध्ये झाले होते. ती सध्या आपल्या मुलीसोबत मारेगाव शहरातील वार्ड क्रमांक ३मध्ये भाड्याने रूम करून राहत असल्याने २०१६ मध्ये कुणालची विवाहित महिलेशी ओळख झाली. ती मुलीसोबत एकटी राहत असल्याचे कळल्यानंतर त्याने मैत्री वाढवण्यास सुरुवात केली. हळूहळू त्याचे या ना त्या बहाण्याने घरी येणे-जाणे सुरू झाले. त्यानंतर त्याने महिलेला लग्नाचे आमिष दाखवून तिच्याशी शारीरिक संबंध प्रस्थापित केले.कुणाला लग्न करण्यासाठी दबाव टाकला; परंतु आरोपीने लग्नास नकार दिला. आरोपीने पीडित महिलेच्या मुलीला व महिलेला मारून टाकण्याची धमकी दिली. पीडित महिलेने दिलेल्या तक्रारीवरून सदर पोलिसांनी आरोपी कुणाल गोडे विरुद्ध लैंगिक अत्याचारसह अनुसूचित जाती जमाती कलमांनुसार गुन्हा दाखल करून आरोपीला पोलिसांनी अटक केली असून याघटनेचा तपास उपविभागीय पोलिस अधिकारी संजय पुज्जलवार व पोलीस निरीक्षक राजेश पुरी यांच्या मार्गदर्शनाखाली इकबाल शेख, आनंद अचलेवर, अजय वाभितकर, रजनीकांत पाटील हे याघटनेचा पुढील तपास करत आहे.
