वणी : श्रीगुरुदेव सेना व वंचित बहुजन आघाडी व निर्मिती बहुद्देशीय संस्था व्दारा आयोजित वंचित निराधार लोककल्याण अभियानांतर्गत निराधार मार्गदर्शन व व्यसनमुक्ती शिबीर काल ता. ७ मार्च २०२२ रोजी सार्वजनिक सभागृहात डॉ. बाबासाहेब आंबेडकर, वं. राष्ट्रसंत तुकडोजी महाराज व कर्मयोगी संत गाडगे महाराज यांच्या प्रतिमेचे पूजन करून शिबिराची सुरवात करण्यात आली. सदर शिबीर हे ग्रामजयंती पर्वा निमित्य संपन्न झाले असून या शिबिरात २९ लाभार्थ्यांची निवड करण्यात आली.
वंदिनीय राष्ट्रसंत तुकडोजी महाराज यांची जयंती ग्रामजयंती म्हणून गावागावात साजरी केल्या जाते. ग्रामजयंती ही ग्राम विकासाला पाया भरणारी असावी व गावातील दिनदुबळ्यांच्या सेवेत असावी या उद्देशाने वंचित निराधार लोककल्याण अभियान वंचित बहुजन आघाडी, श्रीगुरुदेव सेना व निर्मिती बहुद्देशीय संस्था यांच्या संयुक्त आयोजनाने निराधार मार्गदर्शन व व्यसनमुक्ती शिबिर आयोजित करून गोरगरीब वयोवृद्ध,विधवा माता भगिनी व दिव्यांग लोकांसाठी निराधार योजनेचा लाभ मिळवून त्यांना जगण्याचा आधार निर्माण करून दिल्या जात आहे. यावेळी ७ एप्रिल रोजी हनुमान नगर येणक येथे या शिबिराचे आयोजन करण्यात आले होते. यावेळी शिबिराचे मार्दशक म्हणून श्री गुरुदेव सेनेचे संस्थापक अध्यक्ष तथा वंचितचे तालुकाध्यक्ष दिलीप भोयर तर प्रमुख अतिथी म्हणून वंचितचे जिल्हाउपाध्यक्ष मंगल तेलंग , निर्मिती बहुद्देशीय संस्थेच्या सचिव सुकेशनी आसुटकर, पत्रकार राजू गोरे, शिवणीचे उपसरपंच प्रमोद हनुमंते, ग्राम पंचायत सदस्या कु. ज्योती उईके, सुभाष परचाके, प्रतिमा मडावी, आदि मान्यवाई उपस्थित होते. यावेळी शिबीर यशस्वी करण्यासाठी अनेक तरुणांनी परिश्रम घेतले. यावेळी सर्व लाभार्थ्याना व्यसनमुक्तीची शपथ देऊन राष्ट्रवंदना घेऊन शिबिराची सांगता करण्यात आली.
