प्रतिनिधी :प्रवीण जोशी,ढानकी

गणपती बाप्पा हे प्रत्येकाचे आराध्य दैवत.लाडका बाप्पा आज घरोघरी विराजमान त्यामुळे सर्वत्र आनंदाच व चैतन्याचे व जल्लोषाचे वातावरण निर्माण झाले आहे.गणरायाच्या आगमनाची आज सकाळपासूनच गणेश भक्तामध्ये भक्तीमय धामधुम सुरू होती.
आपल्या लाडक्या बापाचे आगमनाचे जंगी स्वागत करण्यासाठी गणेश मंडळांनी तयारी केली असून स्थापने पूर्वी शहरातून ढोल ताशांच्या गजरात मिरवणूक काढून श्री गणेशांचे जल्लोशात आगमण सूरू आहे.
पुढचे दहा दिवस सार्वजनिक गणेश मंडळा कडून मुर्ती स्थापनेच्या ठिकाणी अनेक सेलीब्रेटीत गणराया समोर आरतीच्या ताला सुरात आणि नैवदयाच्या पंच पक्वांनानी लाडक्या बापाची भक्तीमय व आपर श्रध्देत नाहून निघणार आहेत.
यंदाचा गणेशोत्सव खुप विशेश आहे.मागील दोन वर्षाच्या कोरोना संकटातून मुक्त होवून गणेश भक्तांच्या चेहऱ्यावर आनंदाचे फवारे उडतांना दिसत आहे.बाजारात मोठया साधारण व लहान गणेश मुर्तीची खरेदी करतांना गणेश भक्तांची गर्दी उसळली आहे. तर मंडपवाले ,मुर्तीकार व संबंधीत इतर व्यवसायीकांच्या धंदयात मोठी वाढ झाली आहे.10 दिवसाच्या गणराजाच्या मुक्कामात सार्वजनिक गणेश मंडळाकडून विविध सामाजिक उपक्रमासह सांस्कृतीक कार्यक्रमाची मेजवाणी ढाणकी करांना ऐकावयास व पाहण्यास मिळणार आहे.
2 वर्षांपूर्वी कोरोना महामारीने सार्वजनिक जिवनाचा आनंद उत्साह हिरावून घेतला होता.अनेक निर्बंधांचा सामना करावा लागला.आता मात्र कोरोना महामारीमुळे लादण्यात आलेले कडक निर्बंध यंदा शिंदे सरकारने उठविल्यामुळे यंदाचा गणेशोत्सव सुरूवातीपासूनच धुम धडाक्यात साजरा होत आहे.श्रीगणेशांचे आगमण मंडळांनी गणेश चतुर्थी दिवशी ढोल ताशांच्या गजरात वाजत गाजत शहराच्या मुख्य रस्त्याने मिरवणूक काढत जल्लोशात भक्ताकडून श्रध्दा पूर्वक जंगी स्वागत होत आहे.

चौकट – पोलीसांचा फौजफाटा ठिकठिकाणी तैनात,आगामी काळात श्रीगणेश स्थापनेपासून पुढील 10 दिवस गणेश उत्सवाच्या पार्श्वभूमीवर ढाणकी शहरात शांतता व सुव्यवस्था अबाधीत राखण्यासाठी पोलीस प्रशासनाने जोरदार तयारी केली आहे.काही गुन्हेगारावर पोलीस स्टेशनच्या हद्दीबाहेर जाण्याच्या नोटीसा बजावल्या तर अनेक जणांवर प्रतिबंधात्मक कारवाईचा बडगा उगारला आहे. गणेश भक्तांना आरती व इतर सांस्कृतीक कार्यक्रमाला भयमुक्त वातारणात बाहेर पडूण हजेरी लावता यावी म्हणून ठिकठिकाणी पोलीस बंदोबस्त तैनात ठेवला आहे.ठाणेदार प्रताप भोस ,पोलीस उपनिरीक्षक कपील मस्के हे शहरातील हालचालीवर बारकाईचे लक्ष ठेवीत आहेत.