माहागाव प्रतिनिधी :-संजय जाधव
जिल्हा परिषद केंद्रीय प्राथमिक मराठी शाळा फुलसावंगी येथील रिक्त असलेली शिक्षकांची पदे भरण्यात यावे या करिता शाळा व्यवस्थापन समिती व पालकांनी काल दिनांक चार मे रोजी मुख्य कार्यकारी अधिकारी जिल्हा परिषद डॉक्टर श्रीकृष्ण पांचाळ व जिल्हा परिषद शिक्षणाधिकारी किशोर पागोरे यांना निवेदनाद्वारे ही मागणी केली आहे. प्रा जिल्हा परिषद केंद्रीय प्राथमिक मराठी शाळा फुलसावंगी येथे एकूण विद्यार्थी 305 असून मराठी व सेमी इंग्रजी असे आठ वर्ग चालतात शाळेमध्ये 13 पदे मंजूर असताना फक्त चार शिक्षक कार्यरत होते.यामधून दोन शिक्षकांची अंतर जिल्हा बदली मध्ये बदली झालेली आहे.आता शाळेत फक्त दोन शिक्षक कार्यरत आहे त्यामुळे येणाऱ्या सत्रामध्ये तालुक्यातील सर्वात मोठ्या शाळेमध्ये विद्यार्थ्यांना शिकवण्याकरिता वानवा होणार आहे. सध्या जिल्हा परिषद येथे शिक्षकांच्या बदल्यांचा कार्यक्रम राबविण्यात येत आहे .आंतरजिल्हा बदली मधून बाहेर जिल्ह्यातून मोठ्या संख्येत शिक्षक यवतमाळ जिल्ह्यात आलेले आहेत. त्यामधून 11 शिक्षक येथील जिल्हा परिषद प्राथमिक केंद्रीय मराठी शाळेला देण्यात यावे अशी मागणी निवेदनाद्वारे करण्यात आली आहे. यावेळी शाळा व्यवस्थापन समितीचे अध्यक्ष योगेश वाजपेयी,रवींद्र पांढरे, प्रशांत महाजन,मुख्याध्यापक अशोक नलमेलवार,सचिन गोरे उपस्थित होते.
शिक्षकांची पदे तात्काळ भरण्यात यावी:-योगेश वाजपेयी
सध्या फुलसावंगी शाळेमध्ये फक्त दोन शिक्षक कार्यरत आहेत त्यामुळे येणाऱ्या सत्रामध्ये शाळा चालवणे अवघड होईल त्यामुळे जिल्हा परिषद प्रशासनाने आंतरजिल्हा बदली मधून आलेले शिक्षक तात्काळ फुलसावंगी येथे द्यावे.
योगेश वाजपेयी
अध्यक्ष शाळा व्यवस्थापन समिती फुलसावंगी
