सहसंपादक : रामभाऊ भोयर
साई पॉलीटेक्निक, किन्ही (जवादे) या संस्थेच्या १६व्या वर्धापन दिनानिमित्त, समाजकल्याणाच्या दृष्टिकोनातून विविध उपक्रमांचे आयोजन करण्यात आले आहे. यामध्ये विशेषतः आरोग्य शिबिराचे आयोजन करून स्थानिक नागरिकांना आणि विद्यार्थ्यांना मोफत आरोग्य तपासणीचा लाभ मिळवून देण्यात येणार आहे.
आरोग्य शिबिराचे आयोजन साई पॉलीटेक्नीक, सकाळी ठिक ११ वाजता,किन्ही (जवादे), येथे दिनांक १० ऑगस्ट २०२४ शनिवार रोजी करण्यात येणार आहे. या शिबिरात तज्ञ डॉक्टरांची टीम उपलब्ध असेल, जी सामान्य तपासणीसह रक्तदाब, रक्तातील साखर, नेत्रतपासणी, हृदयविकार तपासणी इत्यादींची मोफत तपासणी करणार आहे. याशिवाय, गरजूंना आवश्यक त्या औषधांचे व वृद्धांना चष्म्याचे वाटप मोफत वितरणही केले जाईल.
शिबिरासोबतच, साई पॉलीटेक्निकने समाजकल्याणासाठी विविध उपक्रम हाती घेतले आहेत. यामध्ये स्वच्छता अभियान, उत्तम वृक्षारोपण, आणि विद्यार्थ्यांसाठी करिअर मार्गदर्शन सत्रांचा समावेश आहे. या सर्व उपक्रमांचा लाभ स्थानिक नागरिकांनी आणि विद्यार्थ्यांनी मोठ्या संख्येने घ्यावा, असे आवाहन संस्थेच्या वतीने करण्यात आले आहे.
संस्थेचे प्राचार्य श्री. नितीन ठमके यांनी सांगितले की, “साई पॉलीटेक्निक आपल्या सामाजिक जबाबदारीची जाणीव ठेवून नेहमीच समाजासाठी काहीतरी योगदान देण्याच्या प्रयत्नात असते. यावर्षीच्या वर्धापन दिनाच्या निमित्ताने आयोजित केलेले आरोग्य शिबिर आणि अन्य उपक्रम हे त्याचाच एक भाग आहेत.”
सर्व नागरिक आणि विद्यार्थ्यांना या आरोग्य शिबिराचा आणि इतर उपक्रमांचा लाभ घेण्याचे आवाहन साई पॉलीटेक्निकच्या व्यवस्थापन समितीचे अध्यक्ष श्री. संजयजी काकडे यांनी केले आहे.
