सहसंपादक: रामभाऊ भोयर
कळंब तालुक्यातील डोंगरखर्डा येथील जिल्हा परिषद प्राथमिक मराठी केंद्र शाळेत वार्षिक स्नेहसंमेलन कार्यक्रम उत्साहपूर्ण वातावरणात संपन्न झाला. विद्यार्थ्यांच्या कला, संस्कार व सुप्त गुणांना वाव देण्याच्या उद्देशाने या कार्यक्रमाचे आयोजन करण्यात आले होते.
कार्यक्रमाची सुरुवात क्रांतीज्योती सावित्रीबाई फुले यांच्या प्रतिमेला पूजन व माल्यार्पण करून करण्यात आली. कार्यक्रमास प्रमुख पाहुणे म्हणून ग्रामपंचायत सरपंच सौ. नंदाताई उईक, तंटामुक्ती अध्यक्ष दयाकर बोरपे, पत्रकार महेंद्र लडके, सुरेंद्र राठोड, अनील येडमे प्रदीप ठाकरे, पालक समिती अध्यक्ष येडमे ताई, रोहनकार ताई यांची प्रमुख उपस्थिती होती.
यानंतर विद्यार्थ्यांनी पारंपरिक वेशभूषेतील नृत्य, सांस्कृतिक कार्यक्रम, गीत व समूह नृत्य सादर करून उपस्थितांची मने जिंकली. विद्यार्थ्यांच्या आत्मविश्वासपूर्ण सादरीकरणाला पालक व ग्रामस्थांकडून टाळ्यांचा कडकडाट मिळाला.
कार्यक्रमात मान्यवरांनी विद्यार्थ्यांना मार्गदर्शन करत शिक्षणासोबत संस्कार, कला व संस्कृतीचे महत्त्व अधोरेखित केले. या स्नेहसंमेलनाचे आयोजन जिल्हा परिषद प्राथमिक मराठी केंद्र शाळा डोंगरखर्डा येथील शिक्षकवृंदाने केले होते. कार्यक्रमाच्या यशस्वी आयोजनासाठी मुख्याध्यापक व सर्व शिक्षकांनी विशेष परिश्रम घेतले.
स्नेहसंमेलनामुळे शाळेतील विद्यार्थी, पालक व ग्रामस्थांमध्ये आनंदाचे व उत्साहाचे वातावरण निर्माण झाले
