सहसंपादक ,: रामभाऊ भोयर
यवतमाळ :- पांढरकवडा दि. १ फेब्रुवारी रोजी श्रीराम मंदिर, पांढरकवडा येथे तालुका तीरळे कुणबी समाज संघटनेची महत्त्वपूर्ण बैठक उत्साहपूर्ण वातावरणात पार पडली. समाजातील विविध भागांतून पदाधिकारी, कार्यकर्ते व समाजबांधव मोठ्या संख्येने उपस्थित होते. बैठकीत संघटनेच्या नव्या कार्यकारिणीची निवड एकमताने करण्यात आली. सभेच्या अध्यक्षस्थानी जेष्ठ समाज सेवक दिगांबर भोयर प्रमुख पावणे म्हूणन सल्लागार समिती चे अध्यक्ष प्रेमराव वखरे उपस्थित होते.सभेत वसंतराव पडोळे यांनी अशोक बेले यांचे अध्यक्षपदा करिता नाव सुचवले, चर्चेनंतर सर्वांच्या सहमतीने अशोक हरिभाऊ बेले यांची संघटनेच्या अध्यक्षपदी अविरोध निवड जाहीर करण्यात आली. त्यांच्या सामाजिक कार्याची दखल घेत उपस्थितांनी टाळ्यांच्या गजरात स्वागत केले. तसेच उपाध्यक्षपदी वसंत भोंग, ग्रामीण उपाध्यक्षपदी प्रभाकर ठाकरे आणि सचिवपदी अक्षय बाबारावजी कडू यांची निवड करण्यात आली. नवनिर्वाचित अध्यक्ष अशोक बेले यांनी आपल्या मनोगतात समाजातील ऐक्य आणि प्रगती यावर भर देत शैक्षणिक मदत, विद्यार्थ्यांसाठी मार्गदर्शन शिबिरे, बेरोजगार युवकांसाठी प्रशिक्षण उपक्रम आणि महिलांच्या सक्षमीकरणासाठी योजना राबविण्याचा संकल्प व्यक्त केला. संघटनेला अधिक मजबूत करण्यासाठी सर्व समाजबांधवांनी सक्रिय सहभाग नोंदवावा, असे आवाहन त्यांनी केले. बैठकीदरम्यान समाजातील विविध प्रश्नांवरही चर्चा करण्यात आली. ग्रामीण भागातील विद्यार्थ्यांना शैक्षणिक सुविधा, शेतकरी कुटुंबांना मार्गदर्शन आणि सामाजिक ऐक्य वाढविण्यासाठी सांस्कृतिक कार्यक्रमांचे आयोजन यासारख्या विषयांवर सकारात्मक चर्चा झाली.कार्यक्रमाच्या शेवटी सर्व नवनिर्वाचित पदाधिकाऱ्यांचा पुष्पगुच्छ देऊन सत्कार करण्यात आला. उपस्थितांनी नव्या कार्यकारिणीवर विश्वास व्यक्त करत संघटनेच्या माध्यमातून समाजहिताचे उपक्रम अधिक प्रभावीपणे राबवले जातील, असा आशावाद व्यक्त केला. वातावरण उत्साहपूर्ण आणि एकोप्याचे असल्याचे चित्र पाहायला मिळाले.निवड झाल्या नंतर सर्वांनी पंजाबराव देशमुख यांच्या प्रतिमेचे पूजन केले. सदर बैठकीत तालुक्यातील समाज बांधव उपस्थित होते.
