सहसंपादक : – रामभाऊ भोयर

स्थानिक राजकीय वर्तुळात अलीकडे तरुण चेहऱ्यांमध्ये अजय आत्राम या नावाची चर्चा जोरात सुरू आहे.
गेल्या काही दिवसांपासून अजय आत्राम यांनी पहापळ सर्कल परिसरातील गावांना भेटी देत लोकांशी संवाद साधण्याची जनसंपर्क मोहीम सुरू केली आहे.
लोकांच्या दैनंदिन अडचणी जाणून घेऊन त्यावर तोडगा काढण्यासाठी ते प्रयत्नशील राहण्याचा संदेश देत आहेत. गावांमध्ये भेटीदरम्यान अजय आत्राम हे शेतकरी, युवक आणि महिलांशी थेट संवाद साधत असून, त्यांच्या भेटीचे फोटो आणि व्हिडिओ सोशल मीडियावर मोठ्या प्रमाणावर शेअर केले जात आहेत. या मोहिमेला स्थानिक नागरिकांचा चांगला प्रतिसाद मिळताना दिसतो.
अधिकृत निवडणूक कार्यक्रम अद्याप जाहीर झालेला नसला तरी, अजय आत्राम यांच्या या सक्रियतेमुळे परिसरात राजकीय वातावरण हलकेच तापू लागले आहे.
काहींच्या मते, “अजय आत्राम हे नवीन असून, समाजात चांगली ओळख निर्माण करण्यासाठी प्रामाणिक प्रयत्न करत आहेत,” तर काहींचं म्हणणं आहे — “ही येणाऱ्या निवडणुकीपूर्वीची तयारीच आहे.”
पहापळ सर्कलमधील तरुणांमध्ये अजय आत्राम यांच्याबद्दल उत्सुकता वाढताना दिसते.
त्यांचा हा जनसंपर्काचा उपक्रम पुढे कोणत्या दिशेने जातो, हे पाहणं आता उत्सुकतेचं ठरलं आहे.

अजय आत्राम यांचे मनोगत
“मी राजकारणात नवखा असलो, तरी लोकांचा विश्वास आणि आशीर्वाद हेच माझं खरं बळ आहे.
गावोगाव जाऊन लोकांना भेटतोय, त्यांच्या समस्या ऐकतोय — कारण लोकांशी जवळचा संपर्क ठेवला, तरच खरी सेवा करता येते.
माझं उद्दिष्ट केवळ निवडणूक नाही, तर समाजात सकारात्मक बदल घडवण्याचं आहे.”