सहसंपादक: रामभाऊ भोयर
महाराष्ट्र शासन महसूल विभाग यांच्या निर्देशानुसार व जिल्हाधिकारी विकास मीना यांचे मार्गदर्शनाखाली राळेगांव तालुक्यातील सर्व मंडळाचे ठिकाणी छत्रपती शिवाजी महाराज महाराजस्व समाधान शिबिर अभियानाचे आयोजन करण्यात आले आहे .यात 7 मार्च पासून तालुक्यात या अभियानाला सुरुवात होणार आहे . यात घोंगडी बैठक अंतर्गत नागरिकांना त्यांच्या परिसरात विविध दाखल्यांचे त्याच ठिकाणी अर्ज स्वीकारण्यात येतील .सर्व विभाग प्रमुख ,संबंधित विभागाचे कर्मचारी उपस्थित असतील ,नागरिकांनी याचा लाभ घ्यावा असे आवाहन तहसीलदार अमित भोईटे यांनी केले आहे .
तालुक्यात टप्पा क्र.1 ची अंमलबजावणी अंतर्गत नागरिकांना विविध शासकीय योजनांचे लाभ, सेवा, विविध प्रमाणपत्र वितरित करणे, माहीती देणे, योजनांचा प्रचार प्रसार करणे विविध सेवा पुरविणे करीता खालीलप्रमाणे मंडळाचे स्तरावर शिबीराचे आयोजन करण्यात येत आहे.
वरध, 7मार्च 2026
वाढोणा बा. 14 मार्च ,
झाडगाव 10 एप्रिल ,
वडकी 17एप्रिल ,
धानोरा
29 एप्रिल ,
किन्ही ज.8मे,राळेगाव 15 मे 2026 या तारखेला या शिबिराचा कार्यक्रम ठरवण्यात आला आहे .
शिबीराचे काही दिवस आगोदर महसूल साजा निहाय त्या त्या साज्याचे गावात घोंगडी बैठकांचे आयोजन करण्यात आले आहे. त्या नियोजना नुसार त्या साजातील अधिनस्त असलेले सर्व शासकीय निमशासकीय ग्राम स्तरीय कर्मचारी हे बैठकांना उपस्थित राहणार आहेत. गावातील लोक प्रतिनिधी व नागरीक यांना देखील घोंगडी बैठकीला उपस्थित राहण्यासाठी आवाहन करण्यात आले . घोंगडी बैठकीच्या दिवशी सभेच्या ठिकाणी विविध दाखल्यासाठी लागणारे अर्ज नागरिकांकडून स्विकारण्यात येणार असून नागरिकांना आवाहन करण्यात येते की, ज्यांच्याकडे जे प्रमाणपत्र नाही व ज्या योजनेचा लाभ आवश्यक आहे त्याकरीता घोंगडी बैठकीच्या दिवशी अर्ज सादर करावा. सर्व विभाग प्रमुखांना मुख्य शिबिराच्या दिवशी आपआपल्या विभागाचे स्टॉल व बॅनर लावण्याबाबत सुचना देण्यात आल्या आहेत. या शासनाच्या या महत्वाकांक्षी योजनेचा लाभ नागरिकांनी घ्यावा असे आवाहन महसूल विभागाच्या वतीने करण्यात आले आहे .
“संबधित मंडळाचे मंडळ अधिकारी हे सदर मुख्य शिबिराचे नोडल अधिकारी असतील. तरी मंडळातील नागरिकांनी घोंगडी बैठकीत व शिबिरात मोठया प्रमाणात सहभाग नोंदवण्याचे आवाहन तालुका प्रशासनाच्यावतीने उपविभागीय अधिकारी श्री. सुधीर पाटील व तहसिलदार अमित भोईटे यांनी केले आहे.
