सहसंपादक : रामभाऊ भोयर

महाराष्ट्र राज्याचे आर्थिक बजेट अधिवेशन सुरू असतानाच विदर्भ माध्यमिक शिक्षक संघाचे प्रांतिक सरकार्यवाह तथा नागपूर विभागाचे शिक्षक आमदार सुधाकर अडबाले सर यांच्या आदेशानुसार विदर्भ माध्यमिक शिक्षक संघाचे दिनांक 10/3/2026 रोज मंगळवारला माध्यमिक शिक्षणाधिकारी माध्यमिक यवतमाळ यांच्या कार्यालयासमोर ठीक 3.00 वाजेपासून सायंकाळी 5.00 वाजेपर्यंत धरणे आंदोलनाचे आयोजन करण्यात आले हे आंदोलन संपूर्ण विदर्भात याच दिवशी याचं तारखेला याच वेळी राहणार असून त्यामध्ये खालील विभागाच्या 45प्रकारच्या मागण्या ठेवण्यात येणार असून यामध्ये जुनी पेन्शन योजना सरसकट लागू करण्यात यावी यासह खाजगी स्थानिक स्वराज्य संस्थांच्या अंतर्गत येणाऱ्या प्राथमिक, उच्च प्राथमिक, माध्यमिक व उच्च माध्यमिक शाळा, खाजगी विमुक्त जाती भटक्या जमाती आश्रमशाळा, आदिवासी आश्रमशाळा,व इतर विभागातील शिक्षक शिक्षकेतर कर्मचारी यांच्या प्रलंबित समस्या सोडवण्यासाठी विदर्भ माध्यमिक शिक्षक संघाच्या वतीने धरणे / निदर्शनाचे आयोजन करण्यात आले आहे.तरी सर्व संबंधित विभागाचे जिल्हा पदाधिकारी तालुका पदाधिकारी व आजिवन सदस्य सोबतच समस्याग्रस्त शिक्षक शिक्षकेतर कर्मचाऱ्यांनी वेळीच उपस्थित राहण्याचे आवाहन विदर्भ माध्यमिक शिक्षक संघाचे यवतमाळ जिल्हा अध्यक्ष पवन बन सर जिल्हा कार्यवाह रामकृष्ण जिवतोडे सर यांनी कळविले असल्याचे यवतमाळ जिल्हा उपाध्यक्ष श्रावनसिंग वडते सर यांनी प्रसिद्धी पत्रकाद्वारे कळविले आहे.