सहसंपादक : रामभाऊ भोयर
राळेगाव विधानसभा मतदारसंघाची लेक आणि यवतमाळ नगरपरिषदेच्या नवनिर्वाचित नगराध्यक्षा ॲड. प्रियदर्शनीताई अशोकरावजी उईके यांनी महाराष्ट्रातील प्रथम क्रमांकाच्या यवतमाळ नगरपरिषदेत प्रचंड मताधिक्याने विजय मिळविल्याबद्दल त्यांचा राळेगाव येथे भव्य नागरी सत्कार आयोजित करण्यात आला आहे. विविध सामाजिक, धार्मिक व व्यापारी संस्थांच्या संयुक्त विद्यमाने हा कार्यक्रम आयोजित करण्यात येत असून या सोहळ्याला मोठ्या प्रमाणावर नागरिकांची उपस्थिती राहणार आहे.
हा भव्य नागरी सत्कार रविवार दिनांक ८ मार्च २०२६ रोजी सायंकाळी ५ वाजता त्रिमूर्ती मंगल कार्यालय, वडकी रोड, राळेगाव येथे पार पडणार आहे. कार्यक्रमानंतर उपस्थितांसाठी स्नेहभोजनाचेही आयोजन करण्यात आले आहे.
या कार्यक्रमाचे उद्घाटक विलासराव बापू भोयर (सचिव – ऑर्किड्स एज्युकेशन सोसायटी, नागपूर तथा संचालक – यवतमाळ जिल्हा मध्यवर्ती सहकारी बँक) राहणार आहेत. कार्यक्रमाच्या अध्यक्षस्थानी दिपकराव एंबडवार राहणार असून ना. प्रा. डॉ. अशोकराव उईके यांची विशेष उपस्थिती लाभणार आहे.
कार्यक्रमाला प्रमुख उपस्थिती म्हणून
मा. भुपेंद्रजी कारिया, मा. शुभमताई इंगोले, मा. अशोकरावजी केवटे, मा. सौ. छायाताई पिंपरे, मा. अंकुशरावजी रामगडे, मा. रविंद्रजी शेराम, मा. गोपालबाबुजी कहूरुके, अँड. प्रफुल्लभाऊ चौहान, मा. चित्तरंजनदादा कोल्हे, मा. नारायणरावजी काकडे, मा. अरविंदभाऊ वाढोणकर, मा. डॉ. ज्ञानेश्वरजी मुडे, मा. हरिभाऊजी पंढरपुरे, मा. मधुकररावजी गेडाम तसेच फिरोजभाऊ लाखानी यांची उपस्थिती राहणार आहे.
राळेगाव शहरातील विविध संस्था, मंडळे व सामाजिक संघटनांच्या वतीने या नागरी सत्काराचे आयोजन करण्यात आले आहे. महिला सक्षमीकरण, विकासकामे आणि जनतेच्या प्रश्नांबाबत असलेली त्यांची बांधिलकी लक्षात घेता नागरिकांकडून हा सत्कार म्हणजे त्यांच्या कार्याचा गौरव असल्याची भावना आयोजकांनी व्यक्त केली आहे.
राळेगाव परिसरातील नागरिकांनी मोठ्या संख्येने उपस्थित राहून या सोहळ्याला यशस्वी करावे, असे आवाहन आयोजकांच्या वतीने करण्यात आले आहे.
