सहसंपादक : रामभाऊ भोयर
राळेगाव तालुक्यातील एपीएल शिधापत्रिका धारक शेतकरी लाभार्थ्यांनी धाण्याऐवजी रोख रक्कम मिळणार असून रोख रक्कम मिळविण्यासाठी संबंधित पुरवठा विभागाकडे किंवा स्वस्त धान्य दुकानदार यांच्याकडे ए पी एल शिधापत्रिका धारकांनी डीबीटी अंतर्गत अर्ज करण्याचे आवाहन पुरवठा विभागाकडून करण्यात आले आहे करण्यात आले आहे
राष्ट्रीय अन्न सुरक्षा योजनेअंतर्गत एपीएल रेशन कार्ड शेतकऱ्यांना राज्य शासनाच्या पुरवठा विभागाने जानेवारी २०२२ पासून रास्त धान्य दुकानांमधून धान्य वाटप बंद केले आहे त्याऐवजी शेतकरी शिधापत्रिकाधारकांना दरडोई १५० रुपये रोख स्वरूपात देण्याचा निर्णय शासनाच्या वतीने घेण्यात आला होता.त्यानंतर पुढे हा दर सन एप्रिल २०२४ पासून १७० रुपये प्रति व्यक्ती प्रति महिना करण्यात आला आहे.
राळेगाव तालुक्यात एकूण २७०६ एपीएल कार्ड धारक असून या एपीएल कार्डधारकांनी अर्ज व अर्जासोबत बँक पासबुक झेरॉक्स, मोबाईल नंबर बँकेच्या खात्याशी लिंक असलेला मोबाईल नंबर तसेच सातबारा,राशन कार्ड, व राशन कार्ड मधील सर्वांचे आधार कार्ड झेरॉक्स आधी कागदपत्रे आपल्या संबंधित स्वस्त धान्य दुकानदाराकडे किंवा पुरवठा विभाग राळेगाव यांच्याकडे ५ फेब्रुवारी २०२६ पर्यंत पर्यंत सादर करावे असे आवाहन पुरवठा विभाग राळेगाव च्या वतीने करण्यात आले आहे
