प्रतिनिधी:ऊर्मिला पोहीनकर, चंद्रपूर

चंद्रपुर : महाराष्ट्र उद्योजकता विकास केंद्र ही उद्योग संचालनालयांतर्गत कार्यरत व महाराष्ट्र शासन पुरस्कृत स्वायत्त प्रशिक्षण संस्था असून या संस्थेचा मुख्य उद्देश विविध प्रकारचे प्रशिक्षण आयोजित करून जास्तीत जास्त लोकांना स्वतःचा उद्योग व्यवसाय सुरू करण्याकरिता प्रेरित करणे व उद्योजकतेला पूरक असे वातावरण निर्माण करणे हा आहे.

महाराष्ट्र उद्योजकता विकास केंद्र चंद्रपूर द्वारे दहावी पास व 18 वर्ष पूर्ण असलेल्या युवक-युवती ला 29 डिसेंबर 2020 ते 8 जानेवारी या कालावधीमध्ये शेतीवर आधारित उद्योग प्रशिक्षण कार्यक्रम ऑनलाइन आयोजित करण्यात आला आहे.

सदर ऑनलाईन कार्यशाळेत शेतीवर आधारित विविध उद्योग संधी, अन्नप्रक्रिया वर आधारित उद्योग संधी, डिजिटल मार्केटिंग, एग्रीकल्चर प्रोडक्ट पॅकेजिंग, दुग्धव्यवसाय व दुग्ध प्रक्रिया उद्योगातील उद्योगसंधी, फळ प्रक्रियातील उद्योगसंधी, पशुसंवर्धना वर आधारित उद्योग संधी, उद्योजकता व उद्योजकीय प्रेरणा प्रशिक्षण, संभाषण कौशल्य संकलन व आकलन कौशल्य, सर्जनशीलता नाविन्यपूर्णता व समस्या निराकरण संघटनाचे प्रकार, शासकीय कार्यालयातील विविध योजना, बाजारपेठ पाहणी, साधने व तंत्रज्ञान, उत्पादन निवड उद्योगासाठी लागणारे परवाने,
नाहरकत प्रमाणपत्र व नोंदणी, जीएसटी नोंदणी, उद्योगाचे व्यवस्थापन, विपणन व्यवस्थापन, उत्पादन व कच्चामाल यांचे व्यवस्थापन, उत्पादन नियंत्रण व नियोजन, आर्थिक व्यवस्थापन, खेळते भांडवल व्यवस्थापन, प्रकल्प अहवाल, ऑनलाइन कर्ज प्रक्रिया व कृती आराखडा तयार करून अंमलबजावणी करणे इत्यादी विषयांवर ऑनलाइन द्वारे मार्गदर्शन करण्यात येणार आहे.

सदर प्रश्न प्रशिक्षणासाठी प्रवेश घेण्याकरिता इच्छुक युवक-युवतींनी www.mced.co.in या वेबसाईटवर 28 डिसेंबर 2020 पर्यंत ऑनलाईन अर्ज करावा. अधिक माहितीसाठी प्रकल्प अधिकारी के व्ही राठोड मो. नं. 9403078773 व कार्यक्रम आयोजक मिलिंद कुंभारे मो. नं. 9011667717, कार्यक्रम आयोजिका दिपाली जाजरले मो. नं. 9860600301 यांच्याशी संपर्क साधावा, असे प्रकल्प अधिकारी राठोड़ यांनी कळविले आहे.