प्रतिनिधी:उर्मिला पोहीनकर, चंद्रपूर

एकीकडे चंद्रपूर जिल्ह्यातील कोरोना रुग्णांमध्ये होणारी वाढ तर दुसरीकडे जिल्ह्यात म्युकर मायसिस चा प्रवेश .कोरोना मधून बचावलेल्या रुग्णांची रोग प्रतिकारक क्षमता आधी कमी असताना हा रोग त्यांच्या शरीरावर हल्ला चढवून कमजोर करीत असतो त्यामुळे मृत्यू चे प्रमाण देखील जास्त आहे.

आजारापासून वाचविण्यासाठी दक्ष  राहणे आवश्यक आहे. त्यासाठी फिजिशियन, दंतचिकित्सक, ओरल सर्जन, नाक कान घसा तज्ज्ञ, न्यूरो सर्जन यांच्याकडून तपासणी करून घेण्याचे आवाहनही डाॅ. राठोड यांनी केले आहे.या आजारावर निदान करून बुरशी प्रतिकारक उपचार पद्धती अवलंब करणे आवश्यक आहे. याकरिता ॲन्टिफंगल थेरपी तसेच शरीराच्या इतर भागाग संसर्ग पोहचला असल्यास शस्त्रक्रीया करण्याची गरज पडते, असेही डाॅ.राठोड यांनी सांगितले.

देशात कोरोनाची दुसरी लाट प्रचंड वेगाने पसरत आहे. त्यात म्युकोर मॉयकॉसिस (mucormycosis) या बुरशीजन्य रोगाचा धोका आहे. चंद्रपुरात म्युकोर मॉयकॉसिसचे तब्बल २६ रुग्ण सापडले आहेत. हा आजार कर्करोगापेक्षा दहा पट जास्त गतीने शरीरात पसरतो. यामुळे कित्येक जणांना त्यांचा जबडा, डोळे खराब होतोय आणि प्रसंगी त्यांना जीव देखील गमवावा लागत आहे.
यावर तातडीने उपचार करून बुरशी प्रतिकारक उपचार पद्धतीने उपचार घेेणे आवश्यक आहे. यात संसर्ग शरीराच्या इतर भागात जसे जबडा, डोळे, सायनसपर्यंत पोचला, तर शस्त्रक्रिया करण्याची गरज पडते. उपचार किंवा निदान करण्यात विलंब लावल्यास दृष्टी जाऊ शकते. जबडयाचा भाग काढावा लागू शकतो. पंधरा दिवसांत हा संसर्ग ‘सर्वदूरपर्यंत पोहोचल्यास रुग्णांच्या मृत्यूची शक्यता ८० टक्के असते. त्यामुळे कोविड मधून बरे झालेल्या रुग्णांनी एकदा आरोग्य तपासणी न चुकता करून घ्यावी.
चेहऱ्यावर सूज येणे, दात दुखणे, दात हलणे, हिरडयातून पस येणे, जबडयाचे हाड उघडे पडणे, तोंडातून घाणेरडा वास येणे, नाकातून रक्त येणे, डोळ्यांवर सूज येणे, डोळ्यांची हालचाल कमी होणे, चेहऱ्यावर सूज आलेल्या जागी त्वचा काळी पडणे, नाकात अडथळे निर्माण होणे, नाकात काळे सुके क्रस्ट तयार होणे.