प्रतिनिधी:कल्पक ढोरे, वरोरा

कोरोनाच्या प्रादुर्भावाच्या पाश्वभूमीवर राज्य आणि केंद्र सरकारने कोरोनाचा प्रादुर्भाव रोखण्यासाठी लादलेल्या निर्बंधामुळे महाविद्यालयीन शिक्षण हे विद्यापीठ अनुदान आयोगाच्या मार्गदर्शक सूचनेनुसार आणि माननीय सर्वोच्च न्यायलयाच्या आदेशामुळे ऑनलाईन पद्धतीने सुरु आहे त्यामुळे महाविद्यालये बंद असून विद्यार्थी घरी बसूनच अभ्यास आणि परीक्षा देत आहेत त्यामुळे महाविद्यालय व विद्यापीठाला इतर बाबींवर होणारा खर्च हा निम्याहून कमी झालेला आहे तरी सुद्धा परीक्षा विभाग परीक्षा शुल्क १००% आकारत आहे.
संपुर्ण महाराष्ट्रात कोरोनाचा प्रादुर्भाव दिवसेंदिवस वाढतच असून सद्यस्थितीत कोरोना विषाणूने गंभीर स्वरुप धारण केलेले आहे या लाटेमधे खूप मोठ्या प्रमाणात जीवितहानी झालेली आहे, टाळेबंदीमुळे बेरोजगारीचे प्रमाण वाढल्यामुळे लोकांची आर्थिक परिस्थिती अत्यंत हलाखीची झालेली आहे.
सर्व विद्यापीठांनी सत्र परीक्षा ऑनलाईन घेण्याचा सोयीस्कर निर्णय घेतला आहे, परंतु कोरोनाच्या पार्श्वभूमीवर ऑनलाईन परिक्षा वस्तुनिष्ठ (MCQ) पद्धतीने घेतल्या जात आहेत, ऑनलाईन परिक्षा आणि ऑफलाईन परीक्षा घेण्यासाठी विद्यापीठाला येणाऱ्या खर्चात खुप तफावत आहे, तसेच गेल्या वर्षभरापासून ढासळलेल्या अर्थव्यवस्थेमुळे सर्वच विद्यार्थ्यांची आणि पालकांची आर्थिक परिस्थिती दयनीय झाली आहे, त्यामुळे मा. कुलगुरु महोदय व परीक्षा संचालक महोदय यांना सर्व विद्यार्थी व पालक यांच्या वतीने नम्र विनंती करतो की, सामाजिक बांधिलकी आणि अर्थसहाय्यचा दिलासा म्हणून होऊ घातलेल्या सर्व अभ्यासक्रमाच्या परीक्षांच्या परिक्षा शुल्कामध्ये सरसकट ५०% टक्के कपात करण्यात यावी करावी जेणेकरून विद्यार्थी हित शाबूत ठेवण्यात मदत होईल.

कोरोनाच्या (Corona) पहिल्या लाटेत विद्यार्थ्यांच्या सुरक्षिततेला प्राधान्य देत राज्य सरकारने विद्यापीठांमधील प्रथम व द्वितीय वर्षाच्या परीक्षा रद्द (First year exams cancelled) केल्या,
विद्यापीठ अनुदान आयोगाच्या (UGC) मार्गदर्शक सूचनेनुसार गेल्यावर्षी २०२०-२०२१ मधे पहिल्या व दुसऱ्या वर्षाच्या विद्यार्थ्यांना मागील सत्राच्या गुणांच्या आधारावर प्रमोट करण्यात आले होते व उत्तीर्ण
विद्यार्थ्यांना पुढच्या वर्गात प्रवेश देण्यात आला.

मुळात परीक्षा न घेताच
“विद्यार्थ्यांकडून विद्यापीठाने व महाविद्यालयाने वसूल केलीली प्रथम व द्वितीय वर्षाचे परीक्षा शुल्क सरसकट परत करावे किंवा पुढच्या परीक्षांमध्ये समायोजित करावे अशी सुद्धा मागणी आम्ही या निवेदनाद्वारे करीत आहोत.

सोलापूर विद्यापीठाने २०% परीक्षा शुल्क परत करण्याचा निर्णय घेतलेला आहे, जर सोलापूर विद्यापीठ विद्यार्थी हिताचा निर्णय घेऊ शकते तर आपण का नाही?

आपल्या विद्यापीठाचा आणि विद्यापीठाअंतर्गत येणाऱ्या महाविद्यालयांचा आर्थिक नफा हा एकमेव दृष्टीकोन नसून आपण देखील असाच उदात्त हेतूने प्रेरित कार्य करावे.
कोरोनाच्या काळात विद्यार्थी खूप त्रस्त आहेत, तरी शिक्षणाचा बाजार थांबवा, आणि विद्यार्थी हिताचा निर्णय व्हावा हीच आमची माफक अपेक्षा.
महाराष्ट्र स्टुडंट्स युनयिनचे चंद्रपूर जिल्हाध्यक्ष
चेतन वि. वासाडे व खिलेश धोटे
यांनी ई-मेल द्वारे निवेदन दिले.