प्रतिनिधी//शेख रमजान    

       महाराष्ट्र राज्याचे माजी मुख्यमंत्री तथा विद्यमान उपमुख्यमंत्री एकनाथरावजी शिंदे साहेब, तसेच  आपल्या राज्याचे मृद व जलसंधारण मंत्री, धडाडीचे नेते आपल्या जिल्ह्याचे लोकप्रिय पालकमंत्री माननीय श्री संजय भाऊ राठोड यांच्या नेतृत्वावर विश्वास ठेऊन, उमरखेड महागाव विधानसभा समन्वयक दत्तदिगांबर वानखेडे, शिवसेना शहराध्यक्ष संजय सल्लेवाड, शिवसेना शहर संघटक दिगांबर शिरडकर यांच्या मार्गदशनात, शिवसेना जिल्हा संपर्क प्रमुख श्रीधर मोहड यांच्या उपस्थितीत 29/11/2025 रोजी शिंदे शिवसेना शहरप्रमुख संजय सल्लेवाड यांच्या निवासस्थानी शेकडो धनगर समाज बांधवांनी शिवसेने त जाहीर प्रवेश केला.                               आतापर्यंत शहरातील राजकारण्यांनी फक्त धनगर समाज बांधवांचा मतदानापुरताच विचार करून धनगर समाजाची दिशाभूल करून विधानसभा,लोकसभा, तसेच स्थानिक नगरपंचायत निवडणुकीत आश्वासन दिली गेली परंतु त्या आश्वासनाची पूर्तता करण्यास भाजपा असो वा काँग्रेस या पक्षांनी धनगर समाजाच्या भरोशावर नेतृत्व केले व अनेक वेळा निवडून सुद्धा आले. परंतु दिलेले आश्वासन पूर्ण करू शकले नाही. धनगर समाज बांधवांचे शहरात 60 ते 70 घर आहेत. अडीचशे ते तीनशे मतदान आहेत धनगर समाज बांधवांची कित्येक वर्षापासून ची मागणी शहरांमध्ये खंडोबाचे मंदिर व्हावे परंतु राजकारण्यांनी धनगर समाज बांधवांच्या मागणीला दुजोरा दिला त्यामुळे धनगर समाज बांधव नाराज होऊन त्यांनी यावेळी शिवसेनेवर विश्वास ठेवत शिवसेनेत जाहीर पक्ष प्रवेश केला.