सहसंपादक: रामभाऊ भोयर

कळंब :-विद्यार्थ्यांना स्पर्धा परीक्षांची माहिती असावी,त्या परीक्षेत यश कसे मिळवावे यांचा सराव होण्याच्या दृष्टीकोनातून यवतमाळ जिल्ह्यातील सर्व जि.प.च्या शाळांमधून महादिप परीक्षेचे आयोजन करण्यात आले होते.शाळा आणि केंद्र स्तरावर परीक्षेच्या चार फेऱ्या घेण्यात आल्या.त्यातील जि.प.उच्च प्राथमिक शाळा जोडमोहा येथिल 10 विद्यार्थी तालूका स्तरावर पात्र ठरले असून तालुक्यातील दोन फेरी नंतर शाळेतील वर्ग आठवीचा विद्यार्थी कुंदन राजेश घुमे आणि वर्ग सहावा ची विद्यार्थिनी मेघा चव्हाण हे विद्यार्थी जिल्हा स्तराकरीता पात्र ठरले आहेत.यांना वर्ग शिक्षिका श्रीमती विद्या कटरे मॅडम यांनी सराव घेतला.असून शाळेतील सर्व शिक्षकांचे मार्गदर्शन लाभले.शाळेच्या मुख्याध्यापिका श्रीमती शीला पवार मॅडम यांचे मोलाचे सहकार्य लाभले.पात्र विद्यार्थ्यांना शाळा व्यवस्थापन समिती, गावकरी यांचे कडून कौतुकाची थाप मिळाली आणि पुढील परीक्षांसाठी सर्वांनी शुभेच्छा दिल्या आहेत.