
सहसंपादक : रामभाऊ भोयर
53 वी तालुकास्तरीय विज्ञान प्रदर्शनी स्कूल ऑफ ब्रिलियंट, राळेगाव येथे उत्साहात पार पडली. या प्रदर्शनात विविध शाळांमधील बाल वैज्ञानिकांनी आपापल्या मॉडेलचे उत्कृष्ट सादरीकरण करून सर्वांचे लक्ष वेधून घेतले.
या प्रदर्शनाला सर्वाधिक विद्यार्थ्यांची भेट देणारी शाळा म्हणून गाडगे महाराज विद्यालय व कनिष्ठ महाविद्यालय, अंतरगाव यांची निवड झाली. विद्यार्थ्यांनी प्रदर्शनातील प्रत्येक मॉडेल स्टॉलला भेट देत सखोल निरीक्षण केले आणि वैज्ञानिक कुतूहल वाढवणारा अनुभव घेतला.
विद्यार्थ्यांच्या सुरक्षेला प्राधान्य देत मुख्याध्यापकांच्या सूचनेनुसार शिक्षकांनी अचूक आणि सुक्ष्म नियोजन केले. विद्यार्थ्यांना प्रदर्शन स्थळी सुरक्षितपणे ने-आण करण्याची जबाबदारी नितीन येंबडवार, धम्मानंद तागडे, संदीप सुरपाम, अजय नरडवार, राजकुमार तागडे, अमोल शेरकी यांनी उत्तमरीत्या पार पाडली. तसेच दुर्गा पेंदोर मॅडम आणि मंगेश धानोरकर यांनी विद्यार्थिनींकडे विशेष लक्ष देत त्यांच्या सोयीची काळजी घेतली.
शेवटी, शाळेचे मुख्याध्यापक राजेश शर्मा सर यांनी संपूर्ण गाडगे महाराज विद्यालय व कनिष्ठ महाविद्यालयाच्या टीमचे या उत्कृष्ट नियोजन आणि यशस्वी कामगिरीबद्दल मनःपूर्वक अभिनंदन केले.
