सहसंपादक : रामभाऊ भोयर

राळेगाव तालुक्यात तरुणाई शहरांची वाट धरत असताना ग्रामीण भागातील काही युवक आजही शेती व्यवसायात आपले भविष्य शोधत आहेत. झाडगाव येथील दीपक मारोती नदुरकर (वय 29) हा त्यापैकीच एक मेहनती आणि प्रगतीशील तरुण शेतकरी म्हणून ओळखला जात आहे.
दीपक नदुरकर यांच्या कुटुंबाकडे 3 एकर शेती मिळालेली असून दिवंगत वडिलांनंतर घरची सर्व जबाबदारी त्यांनी लवकर वयात खांद्यावर घेतली. त्यांच्या मागे आई असून, कुटुंबाचा मुख्य आधार म्हणजे शेती व्यवसाय. पारंपरिक पिकांबरोबरच आधुनिक शेती पद्धतीचा स्वीकार करून उत्पादनक्षमता वाढवण्याचा प्रयत्न दीपक करीत आहे.
स्थानिक पातळीवर मेहनती, मनमिळावू आणि प्रामाणिक म्हणून त्यांची ओळख आहे. शेतीतूनच कुटुंबाचा उदरनिर्वाह करताना गावातील सामाजिक उपक्रमातही ते सक्रिय सहभाग नोंदवत असतात. तरुण शेतकऱ्यांनी शेतीकडे वळावे आणि कृषी क्षेत्रात नवनवीन प्रयोग करावेत, असा आदर्श दीपक नदुरकर यांच्याकडून पुढे येत असल्याचे ग्रामस्थांचे म्हणणे आहे.गावातील तरुणांसाठी दीपक नदुरकर हे मेहनतीचे प्रतीक आणि शेतीशी नाळ जुळवून ठेवणारे प्रेरणादायी उदाहरण ठरत आहेत.त्यांच्या या अपघाती निधनाने संपूर्ण तालुक्यात शोक कळा पसरली आहे