सहसंपादक : रामभाऊ भोयर
शासनाच्या उपक्रमांतर्गत राळेगाव तालुक्यातील मुख्याध्यापकांची नवोन्मेष कार्यशाळा न्यु इंग्लिश हायस्कूल व कनिष्ठ महाविद्यालय राळेगाव येथे उत्साहात संपन्न झाली.
कार्यक्रमाची सुरुवात संविधान प्रास्ताविकाने झाली. माध्यमिक शिक्षणाधिकारी मा. रविंद्र काटोलकर यांनी जिल्हास्तरीय ऑनलाइन मिटिंगद्वारे उपस्थित सर्वांकडून संविधान प्रास्ताविकाचे पठण घडवून आणले. त्यानंतर त्यांनी नवोन्मेष उपक्रमाची सविस्तर माहिती दिली. अमरावतीचे उपसंचालक निलीमा टाके मॅडम ह्या देखील ऑनलाईन मिटिंगद्वारे उपस्थित होत्या.
कार्यक्रमासाठी नवनाथ लहाने (गटशिक्षणाधिकारी, पं.स. राळेगाव), निलेश दाभाडे (विस्तार अधिकारी) हे मान्यवर उपस्थित होते.
या कार्यशाळेला तज्ज्ञ मार्गदर्शक म्हणून विलास निमरड, दयालाल भोयर व राजेश शर्मा यांनी विविध विषयांवर मार्गदर्शन केले. चर्चा सत्रात नवोन्मेषाचे मंथन करण्यात आले. नवीन कल्पना साकार करणे, जुन्यात बदल करणे, जुना मोबाईल ते आजचा स्मार्टफोन अथवा एलईडी दिव्यांच्या उदाहरणांतून नवोन्मेषाची संकल्पना स्पष्ट करण्यात आली.
शालेय व्यवस्थापन, मुख्याध्यापकांची जबाबदारी, शालेय अभिलेखे, ऑनलाइन कामकाज, युडायस पोर्टल, प्रधानमंत्री शक्ती पोषण आहार या विषयांवर सांगोपांग चर्चा झाली.
कार्यक्रमाच्या यशस्वितेसाठी कचरे सर यांनी विशेष परिश्रम घेतले. त्यांच्या तसेच संस्थाचालकांच्या प्रयत्नाबद्दल उपस्थितांनी कृतज्ञता व्यक्त केली.
