
सहसंपादक : रामभाऊ भोयर
शिक्षण विभाग पंचायत समिती राळेगाव,, माध्यमिक मुख्याध्यापक संघ व स्कुल ऑफ ब्रिलीयंट यांचे संयुक्त विध्यमाने 53 व्या बाल वैज्ञानिक विज्ञान प्रदर्शनी चे आयोजन दि. 27 व 28 नोव्हेंबर रोजी करण्यात आले होते. 28 नोव्हे. ला या पदर्शनीचा समारोप झाला. या कार्यक्रमाचे अध्यक्ष गट विकास अधिकारी केशव पवार, प्रमुख अतिथी सहा. गविअ भारती इसाल,मार्गदर्शक गटशिक्षणाधिकारी नवनाथ लहाने, वि. अ. निलेश दाभाडे, तालुका विज्ञान समन्वयक प्रशांत महल्ले आदी मान्यवर उपस्थित होते.
या बाल विज्ञान प्रदर्शनीच्या उदघाटन सोहळ्याला शिक्षणाधिकारी ( माध्य.)रवींद्र काटोलकर उपस्थित होते. या वेळी माध्यमिक, उच्च माध्यमिक व दिव्यांग आदिवासी गटातील विजेत्याना बक्षीसाचे वितरण करण्यात आले. प्रदर्शनीत विध्यार्थ्यानी उपयुक्त व लक्षवेधक मॉडेल सादर करून सर्वांचे लक्ष वेधून घेतले होते.समारोपीय कार्यक्रमाच्या अध्यक्षस्थानावरून बोलतांना गविअ केशव पवार यांनी वैज्ञानिक दृष्टीकोन विध्यार्थीदशेपासूनच आत्मसात करण्याच्या गरजेवर भाष्य केले. गट शिक्षणाधिकारी नवनाथ लहाने यांनी विजेत्यांचे व सहभागी सर्व स्पर्धक, शाळांचे अभिनंदन केले.
या प्रदर्शनीत तालुक्यातील विविध शालेय विध्यार्थ्यांनी दर्जेदार मॉडेल सह उपस्थिती दर्शवली.समारोपीय कार्यक्रमात बक्षीसांचे वितरण मान्यवरांच्या हस्ते करण्यात आले.उच्च प्राथमिक गटात तीन, माध्यमिक गटात तीन, दिव्यांग गटात दोन व शिक्षक गटात दोन विजेत्यांना बक्षीस देऊन सन्मानित करण्यात आले.
या वेळी वैज्ञानिक दृष्ठिकोन रुजवणाऱ्या विविध कलाकृती, प्रयोग यांची पाहणी मान्यवरांनी केली. केंद्र प्रमुख कल्पना डवले, संजय पांडे, हरिदास वैरागडे, मुकेश भोयर, दिघडे मॅडम, सोनारखन सर यांचे सह शिक्षकवृंद विध्यार्थी -विध्यार्थिनीं मोठ्या संख्येने उपस्थित होते.कार्यक्रमाचे संचलन वसुंधरा माकोडे यांनी केले.
