भवानी माता मंदिर परिसरात टाकणार सीड बॉल

तालुका प्रतिनिधी/५जून:ऋषिकेश जवंजाळ

काटोल : जागतिक पर्यावरण दिनाचे औचित्य साधून जि. प.प्राथमिक शाळा, आलागोंदी येथील आजी-माजी विद्यार्थ्यांना तब्बल २०० सिड बॉलची निर्मिती केली.जंगलव्याप्त अदिवासी गावाच्या परिसरात सहज उपलब्ध होणाऱ्या साहित्यातून सीताफळ, चिंच,बोर,आंबा व कडुलिंब इत्यादी बियांचे चेंडू तयार करण्यात आले.
कोरोना संकटात ऑक्सिजन अभावामुळे अनेकांचे प्राण गेलेत.शहरीकरण व भौतिक विकासाच्या नावाखाली अनेक वृक्षांची कत्तल घडते. एक झाड सुमारे २३ लाखांचा ऑक्सिजन देते.एक प्रौढ झाड दिवसाकाठी सरासरी २३०लिटर ऑक्सिजन निर्मिती करतं. एका व्यक्तीला दररोज ५५० लिटर ऑक्सिजनची गरज भासते.तेव्हा वृक्षारोपण सोबत वृक्षसंवर्धन आवश्यक आहे.
आलागोंदी येथील विद्यार्थ्यांनी तयार केलेले ‘सिड बॉल’ पावसाळयात भवानी माता मंदिर, चौकीगड परिसरात टाकण्यात येणार आहे अशी माहिती उपक्रम संयोजक माजी विद्यार्थी लोकेश तागडे यांनी दिली.यावेळी अर्जुन नेहारे, हर्षल शेंदरे, सुजल चौधरी, स्वीटी चौधरी, गुंजन तागडे, संदीप टेकाम, पूनम चौधरी,पायल नेहारे, साहिल काळसर्पे आदींनी सहकार्य केले.

बॉक्स
जागतिक पर्यावरण दिन केवळ वृक्षारोपण करून साध्य होणार नाही.तर दीर्घकालीन उपयोजना करून ‘वृक्षसंवर्धन’ करणे आवश्यक आहे.माझ्या विद्यार्थ्यांनी राबविलेले ‘सिड बॉल’ सारखे रचनात्मक कार्य समाजासाठी दिशादर्शक ठरेल

राजेंद्र विमल रामहरी टेकाडे
मुख्याध्यापक, जि.प.प्राथ.शाळा,आलागोंदी