प्रतिनिधी:आशिष नैताम
शिवस्वराज्य दिनानिमित्त बोर्डा बोरकर ग्राम पंचायत कार्यालयांमध्ये भगव्या स्वराज्यध्वजासह शिवशक राजदंड स्वराज्यगुढी उभारून , पुजन व त्यास नमन करून साजरा करण्यात आला.
हिंदवी स्वराज्याचे संस्थापक आणि अवघ्या महाराष्ट्राचे दैवत श्री छत्रपती शिवाजी महाराज यांचा राज्याभिषेक सोहळा दरवर्षी ६ जून रोजी मोठ्या उत्साहात साजरा केला जातो.शिवरायांचा राज्याभिषेक ६ जून १६७४ दिवशी झाला. त्यामुळे दरवर्षी ६ जून रोजी तारखेप्रमाणे शिवराज्याभिषेक सोहळा साजरा केला जातो.
छत्रपती शिवाजी महाराजांच्या कार्याची महती जास्तीतजास्त लोकांपर्यंत पोहचावी म्हणून शिवस्वराज दिन साजरा करण्याचा निर्णय राज्यातील उद्धव ठाकरे सरकारने घेतला.
या वर्षी शिवराज्याभिषेक सोहळा ‘शिवस्वराज्य दिन’ म्हणून बोर्डा बोरकर ग्राम पंचायत कार्यालयात कोरोनाचे नियम पाळून उत्साहात साजरा करण्यात आला.
यावेळी ग्राम पंचायतचे सरपंच बालाजी नैताम , उपसरपंच महेश कोसरे,ग्राम पंचायत सचिव ठेंगने साहेब,ग्राम पंचायत सदस्य राेशन नैताम,बालचंद्र कुळमेथे,साधना कुनघाळकर,सविता मंडरे,कविता कुमरे व शिपाई रविंद्र भट,उमेश सिडाम उपस्थित होते.
तसेच पोंभूर्णा तालुक्यातील ३१ ग्रामपंचायतीमध्येही शिवस्वराज दिन उत्साहात साजरा करण्यात आला.
