राळेगाव तालुका प्रतिनिधी:-रामभाऊ भोयर (9529256225)

शेतकऱ्याच्या शेतातील ई पीक पाहणीचा कार्यक्रम शासकीय यंत्रणेमार्फत करण्यात यावा असे निवेदन माननीय तहसीलदार साहेब समुद्रपूर यांचेमार्फत महाराष्ट्राचे मुख्यमंत्री महोदयांना कर्तव्यदक्ष माजी आमदार प्रा.राजुभाऊ तिमांडे यांच्या नेतृत्वात देण्यात आले.
या ई पीक पाहणी कार्यक्रम राबविला जात असताना ग्रामीण भागातील शेतकऱ्यांच्या विविध अडचणी लक्षात घेता शेतकऱ्यांना सक्ती करण्यात येऊ नये हा कार्यक्रम शासकीय यंत्रणेकडून राबविण्यात यावा ई पीक पाहणी कार्यक्रम शेतकऱ्याचा शेताचा सर्वे करून सातबारा गट क्रमांक एकूण क्षेत्र पोटखराब क्षेत्र शेतातील पिके याची माहिती सॉफ्टवेअरमध्ये शेतकऱ्यांनी स्वतः भरून फोटो काढून अपलोड करणे शासनाने बंधनकारक करण्यात आले आहे.
माहिती आणि तंत्र युगाच्या 21 व्या शतकात भारतीय शेतकरी कम्प्युटरच्या तंत्रज्ञानात कुशल आहे असा शासनाचा समज आहे पण अनेक शेतकरी अनपढ असून त्यांच्याकडे साधा मोबाईल सुद्धा नाही तर हे अँड्रॉइड मोबाईल कुठून येणार काही शेतकऱ्यांना सॉफ्टवेअर काय आहे हेही शेतकऱ्यांना माहीत नाही राज्यातील अनेक खेडे हे इंटरनेट सेवेच्या कोसो दूर आहे शेतकऱ्याची आर्थिक परिस्थिती अत्यंत बिकट आहे गोरगरीब अशिक्षित सर्व सामान्य साठी इ पीक पाहणी कार्यक्रम अडचणीचा झालेला आहे नैसर्गिक आपत्तीने कार्यक्रमाला शेतकऱ्याकडून अत्यल्प प्रमाणात प्रतिसाद मिळत आहे सप्टेंबर महिन्यात सतत पडत असलेला पाऊस यामुळे काही शेतकऱ्यांचे सोयाबीन नेस्तनाबूत झालेले आहे अशा वेळेस कोणत्याही शेतकरी या योजने पासून वंचित न राहता शासनाने तो कार्यक्रम स्वतः राबवून शेतकऱ्यांना दिलासा देण्याचे निवेदन माननीय तहसीलदार साहेब समुद्रपूर यांच्यामार्फत महाराष्ट्राचे मुख्यमंत्री उद्धवजी ठाकरे साहेब उपमुख्यमंत्री माननीय अजितदादा पवार साहेब कृषी मंत्री दादाजी भुसे साहेब यांना कर्तव्यदक्ष माजी आमदार प्रा.राजुभाऊ तिमांडे यांचे नेतृत्वात देण्यात आले यासाठी माननीय मधुकरराव कामडी माजी नगरसेवक,राजुभाऊ उमरे माजी नगरसेवक ,प्रदीपभाऊ डगवार,आशिषजी अंड्स्कर माजी नगरसेवक,अशोकजी डगवार,सौरभजी साळवे,राहुलजी लोहकरे,सुधीरजी साळवे, रत्नाकरराव आस्कर, पांडुरंगजी नंदुरकर आधी कार्यकर्त्यांसह अनेकांच्या उपस्थितीत निवेदन देण्यात आले.