राळेगाव तालुका प्रतिनिधी:-रामभाऊ भोयर (9529256225)
गॅप इंक अर्थसंचालित केअर इंडिया च्या वूमन+वाटर या प्रोजेक्ट अंतर्गत राळेगाव तालुक्यामधील सर्व गावांमध्ये महिला व पुरुषांना ट्रेनिंग देऊन त्यामध्ये महिलांना सक्षम करणे तसेच स्वच्छता व त्याचे महत्व, कुटुंबातील संवाद, ताणतणाव, समस्याचे निराकरण, आर्थिक नियोजन, स्त्री पुरुष समानता अश्या विविध प्रकारची माहिती ९० मिनिटाच्या सेशन घेऊन त्यांना ६ महिने प्रशिक्षण दिले जाते. या ट्रेनिंगचा उद्देश असा आहे कि स्वतःचा आणि आपल्या कुटुंबाचा विकास कसा करता येईल हा आहे. त्याचप्रमाणे स्वच्छता आणि शौचालय व त्यांचे फायदे या बद्दलची मोहीम सुरु आहे. सोबतच कोरोनापासून स्वतःला आणि आपल्या कुटुंबाला कश्याप्रकारे वाचवू शकतो आणि लसीकरणाचे महत्व किती आहे, त्याचे फायदे काय आहे असे विविध प्रकारची माहिती महिलांना ट्रेनिंगद्वारे देण्यात येत आहे. या संपूर्ण ट्रेनिंगचा आढावा, महिलांना प्रमाणपत्र वाटप, महिलांचे मनोगत, विविध क्षेत्रातील पाहुण्याच्या मनोगतातून, विविध महिलांच्या प्रश्न उत्तरे यासाठी इंटरफेस मीटिंग चे आयोजन केले गेले होते. त्यामध्ये अध्यक्ष म्हणून जयश्रीताई ताई पोटे (जि.प. सदस्य तथा महीला व बाल कल्याण सभापती जि. प.यवतमाळ) यांनी महिलांबद्दल व चालू असलेल्या रूढी परंपरा बद्दल मार्गदर्शन केले. प्रमुख अतिथी मम्हणून पं. सं राळेगाव सभापती प्रशांतभाऊ तायडे,विद्याताई लाड प्रभागसंघ अध्यक्ष वडकी यांनी महीला जाग्रूती,अॅड. मधुसूदन अलोणे यांनी महिलांना कायदेविषयक मार्गदर्शन केले.
रुपेश रेंगे ग्रामगिताचार्य यांनी महीलांचे ग्रामीण जिवन व सक्षमीकरण यावर चर्चा तसेच
केअर इंडियाचे प्रास्ताविक भुषण सूर्यवंशी (तालुका समन्वयक केअर इंडिया यवतमाळ) यांनी केले तसेच केअर इंडियाचे सुनील मानकर (M & E ऑफिसर) यांनी केअर इंडिया बद्दल सविस्तर माहिती दिली. हा सर्व कार्यक्रम महाराष्ट्राचे केअर इंडियाचे प्रमुख रविकांत घाटोळ यांच्या मार्गदर्शनाखाली झाला. कार्यक्रमाचे सूत्रसंचालन मंगेश पुडके यांनी केले.तर आभार प्रदर्शन बाळू शिंदे तालुका समन्वयक राळेगाव यांनी मांडले. त्याचप्रमाणे केअर इंडियाचे ट्रेनर स्वप्निल वटाणे ,अंकुश चामलाटे आनंद मांढरे ,राहुल झांबरे निखिल इंगोले, दुर्गेश गुरनुले, जया निवल ,लता झोटिंग ,वंदना शेंडे ,सुवर्णा कोंडस्कर, शितल नारडवर ,प्रगती कावळे ,सुजाता भगत ,प्रियंका शिवरकर ,संदीप जगताप, संगिता ठमके तसेच केअर इंडियाचे सर्व पेस, मेल चाम्पिअन व मोबिलायझर आणि सर्व केअर इंडियाच्या संपूर्ण महिला यांच्या सहकार्यामुळे हा कार्यक्रम यशस्वीरित्या पार पडला.
