सुट्टी च्या दिवशी शासकीय अभियंता साईट वर काय करत होते ?मनसे चा सवाल

वरोरा नगर परिषद जवळ असलेल्या सिमेंट रस्त्याची 6 महिन्यात च दुरावस्था झाली आहे.या रस्त्याची गिट्टी उघडी पडल्याने त्यावर सिमेंट चे पाणी मारून कामाच्या दर्जा लपविण्याचा प्रयत्न सुरू होता .शनिवार असताना वरोरा नगर परिषद च्या सार्वजनिक बांधकाम विभागाचे अभियंता पुनवटकर हे त्या ठिकाणी उभे राहून काम पाहत होते. परंतु निकृष्ठ दर्जाच्या कामाच्या ठिकाणी सुट्टीच्या दिवशी शासकीय अभियंता उभा असल्याचे लक्षात येताच महाराष्ट्र नवनिर्माण सेना वरोरा चे तालुकाध्यक्ष वैभव डहाने व राहुल खारकर यांनी घटनास्थळी पोहचत पुनवटकर यांना धारेवर धरत सुट्टी च्या दिवशी आपण इथे हजर कसे याबाबत सवाल केला.
वरोरा शहरात ठिकठिकाणी सिमेंट रस्त्याचे बांधकाम सुरू आहे .त्यात 6 महिन्यात च या रस्त्यावरील गिट्टी उघडी पडल्याने या बांधकामाच्या दर्जाबाबत प्रश्न उपस्थित केला जात आहे.या रस्त्याचा निकृष्ठ दर्जाबाबत बांधकाम विभाग कानाडोळा करतोय की काय असा प्रश्न सर्वसामान्य नागरिकांच्या मनात आहे.या कामात सार्वजनिक बांधकाम विभाग ,अधिकारी व लोकनियुक्त प्रतिनिधी ,ठेकेदार यांचे संगनमताने रस्ते बांधकामात भ्रष्टाचार होत असल्याची चर्चा नागरिकांच्या तोंडून ऐकायला मिळत आहे.

या प्रकरणी वरोरा नगर परिषदेच्या मुख्याधिकारी भोयर व अभियंता पुनवटकर यांनी पोलीस स्टेशन वरोरा येथे तक्रार दाखल केली .वृत्त लिहिपर्यंत त्यांच्यावर कोणतीही कारवाई झालेली नाही.