आर्य क्षेत्रिय तेलगु शिंपी समाज भवन उभारणार ,अरविंद गाजर्लवार यांच्या हस्ते भूमिपूजन सोहळा

प्रतिनिधी:वरून त्रिवेदी,वरोरा

वरोरा: आर्य क्षत्रिय तेलगु शिंपी समाजाच्या वतीने समाज भवनाचा भूमिपूजन व फलक अनावरण सोहळा दि.२४ फेब्रुवारी ला माढेळी नाका परिसरात समाजभूषण अरविंद गाजर्लवार यांच्या शूभ हस्ते नुकताच भूमीपूजन सोहळा संपन्न झाला.
कार्यक्रमाला सुरुवात करताच प्रमुख मान्यवरांच्या हस्ते दीप प्रज्वलन करून फलक अनावरण व तद्नंतर कुदळ मारून भूमिपूजन करण्यात आले.समारंभाच्या अध्यक्षस्थानी बहु. आर्य क्षत्रिय तेलंग समाज संस्था नागपूरचे अध्यक्ष अश्विन लिंम्बंन्ना होते. यावेळी प्रमुख पाहुणे म्हणून नगराध्यक्ष अहेतेशाम अली, पाणीपुरवठा सभापती अनिल साखरिया, महेश माहुरपवार, बहु. आर्य क्षत्रिय तेलंग समाज संस्था नागपूरचे सदस्य संदीप गाजर्लवार, सामाजिक कार्यकर्ता रितेश लक्केवार, अनिल लक्केवार, सुनिल लक्केवार यांची प्रामुख्याने उपस्थित होते.
उद्घाटनप्रसंगी अरविंद गाजर्लवार यांनी संबोधले समाजाच्या बहुविध कार्यक्रमासाठी समाज भवनाची आवश्यकता आहे. समाजातील मंडळींच्या उचित सहकार्याने हे समाज भवन उभे राहिल. समाजाच्या प्रत्येक सदस्यांनी यात खारीचा वाटा उचलणे आवश्यक आहे.
अध्यक्षीय भाषणात लिम्बंन्ना म्हणाले की, समाजाच्या सांस्कृतिक तथा परंपरागत चालीरीती जोपासण्यासाठी व समाजाचे विविध कार्यक्रम घेण्यासाठी समाजाचे समाज भवन नसल्याने अडचण निर्माण होत होती. सदर बाब लक्षात येताच सामाज बांधव अरविंद गाजर्लवार यांनी पुढाकार घेऊन समाज भवनाकरीता २२०० स्केअर फुट जागा उपलब्ध करून दान केली, त्यामुळे आता या जागेवर समाज भवनाची उभारणार होईल. सर्व समाज बांधवांनी आपआपल्या परिने समाज भवनाकरीता सहयोग प्रदान करावे, असे आवाहन त्यांनी केले.
कार्यक्रमाचे प्रमुख अतिथी नगराध्यक्ष अली यांनी समाज भवनाकरीता दान दिलेल्या समाजबांधवांचे कैतुक करत म्हणाले की शिंपी समाजाशी माझे संबंध अटू असून दान दिलेल्या जागेवर समाज भवन बनविण्याकरीता समाज भवनापर्यंत डांबरी रोड व्यवस्थेसह, पाणी करीता टुबवेल बोरवेल उपलब्ध करून देणार असून काही लागल्यास माझा अधिकाधिक साथ राहील असे आश्वासन त्यांनी यावेळी दिले.

यावेळी राहुल डोंगरवार यांनी प्रकाशित केलेली वंशावली ( द्वितीय आवृत्ती) याचे विमोचन प्रमुख मान्यवरांच्या हस्ते करण्यात आले.तसेच कोरोनाने दगावलेल्या समाज बांधवांना श्रद्धांजली अर्पण करण्यात आली.

       कार्यक्रमात दत्तात्रय डोंगरवार, सुरेश नामपल्लीवार, जयरत्नम गाजर्लवार, सुरेश बरतलवार, , मधुकरराव डोंगरवार, नरेंद्र  बरतलवार, नरेंद्र डोंगरवार प्रामुख्याने उपस्थित होते.
  कार्यक्रमाचे प्रास्ताविक समितिचे सचिव राहुल डोंगरवार यांनी केले. सूत्रसंचालन दीपक डोंगरवार यांनी  तर आभार प्रदर्शन समितीचे अध्यक्ष सतीश डोंगरवार यांनी केले.
     कार्यक्रमाच्या यशस्वीतेसाठी रोशन लक्केवार, निखिल नामपल्लीवार, विकास डोंगरवार, शेखर डोंगरवार, राजेंद्र नामपल्लीवार, अमोल  नामपल्लीवार, अविनाश पोलकोंडवार, विशाल बरतलवार, अंकुश डोंगरवार आदींनी अथक परिश्रम घेतले.