पुतनी चतुर्भुज होण्याच्या पूर्वसंध्येला नियतीने रचला काका वर डाव
धानोरा व राळेगाव तालुक्यात आनंदावर विरजण अन हळहळ
राळेगाव तालुका प्रतिनिधी-रामभाऊ भोयर (9529256225)
घरात पाहुण्यांची रेलचेल.शुभकार्य असल्याने सर्वच कामात मग्न व तेवढाच सर्वांच्या चेहऱ्यावर आनंद ओसंडून वाहत असतांना उद्याच्या नवरीला हळदी ची जय्यत तयारी सुरू होती.तेवढ्यात एक अघटीत घटनेचा निरोप येतो व सर्वच स्तब्ध होतात.पुतणी उद्या चतुर्भुज होईल याकार्यासाठी काका दुचाकीने येत असतांना टिप्परची धडक बसते. आणि लग्न घरी नीरव शांतता पसरते.हा धीरगंभीर प्रसंग घडला बुधवारला सायंकाळच्या सुमारास मारेगाव तालुक्यातील चिंचमंडळ खैरी रस्त्यावर ! या अपघातात मारेगाव पंचायत समिती अंतर्गत चिंचमंडळ जिल्हा परिषद शाळेचे मुख्याध्यापक अशोक श्रीधर जवादे यांचा मृत्यू झाल्याने सर्वत्र हळहळ व्यक्त होते आहे.
सविस्तर असे की , चिंचमंडळ शाळेचे मुख्याध्यापक अशोक जवादे हे बुधवार दि.०९ ला सायंकाळी आपले सहकारी शिक्षक चापले यांचे समवेत दुचाकीने खैरी येथे गेले.खैरी वरून पुतणीचे लग्नकार्य असलेल्या दापोरा येथे एकटेच परत येत असतांना समोरून येत असलेल्या वाळू भरलेल्या टिप्पर ने जबर धडक दिली.यात जवादे हे गंभीर जखमी झाले.त्यांना तात्काळ रुग्णालयात हलविण्यात आले.
