राळेगाव तालुका प्रतिनिधी-रामभाऊ भोयर (9529256225)

स्नेहमीलन सोहळ्यात आचार्य पदवी प्राप्त, राज्यस्तरीय पुरस्कार प्राप्त समाज बांधवांचा सत्कार :समाजाच्या हितासाठी, प्रगतीसाठी खैरे कुणबी समाजाला संघटित होणे ही काळाची गरज आहे. संघटनाची शक्ती मोठमोठ्या संकटाना दूर करते. म्हणून समाजाच्या विकासासाठी सर्व समाजातील बांधवानी एकत्र येणे गरजेचे आहे, असे प्रतिपादनकार्यक्रमाचे मुख्य वक्ते सप्तखंजेरी वादक समाज प्रबोधनकार इंजी भाऊसाहेब थुटे यांनी केले.
श्री संताजी सांस्कृतिक भवन येथे आयोजित विदर्भ स्तरीय स्नेहमीलन सोहळा वर सत्कार समारंभात ते बोलत होते.
या कार्यक्रमात समाजातील आचार्य पदवी प्राप्त, राज्यपुरस्कार प्राप्त, व्यसनमुक्ती केंद्र संस्थापक यांचा गुणगौरव करून मानवस्त्र, श्रीफळ, स्मृतिचिन्ह देऊन सत्कार करण्यात आला.
या कार्यक्रमाला उदघाटक म्हणून श्री अनिलजी भानखेडे, अध्यक्षा म्हणून रणरागिणी मंचाच्या संस्थापिका संगीताताई बढे, प्रमुख वक्ता म्हणून भाऊसाहेब थुटे, प्रा. पंढरी वाघ, श्री नंदकिशोर पांडे, श्री मनोहरजी जुनूनकर, श्री विनोदभाऊ दोंदल रेखाताई धोटे, किरणताई चौधरी, नीलिमाताई तिजारे, सुरेखाताई रडके यांची उपस्थिती होती.
या स्नेहमीलन सोहळ्यात रसायनशास्त्र विषयात आचार्य पदवी प्राप्त केलेले प्रा. डॉ. योगेश खेडेकर, गृहविज्ञान विषयात आचार्य पदवीप्राप्त प्रा. डॉ. रेखा झोटिंग,राज्यस्तरीय नवोपक्रम स्पर्धेत प्रथम पुरस्कार प्राप्त कविता घोडे,कु. प्रतीक्षा थुटे राज्यस्तरीय वक्तृत्व स्पर्धेत प्रथम क्रमांक प्राप्त, श्री नंदकिशोरजी पांडे कार्याध्यक्ष महाराष्ट्र राज्य वीज मंडळ कार्यकारी संघटना,श्री सुनील जी कोपरे समाजसेवक,श्री महादेवजी तांगडे जेष्ठ नागरिक, श्री अंकुशराव पिंपरे यांचा उपस्थिती मान्यवरांच्या हस्ते श्रीफळ, मानवस्त्र वर स्मृतिचिन्ह देऊन सत्कार करण्यात आला.
समाजामध्ये नवचैतन्य निर्माण करण्यासाठी, आदर्श समाजाची निर्मिती करण्यासाठी समाज स्नेहमीलन हा समाज उत्सव घेणे अतिशय गरजेचे आहे. यातूनच समाजाची नवीन पिढी घडू शकते.असे वक्तव्य कार्यक्रमाच्या अध्यक्षा संगीताताई बढे यांनी या प्रसंगी केले.
यावेळी निखिल राऊत, प्रा. योगेश खेडेकर, कविता घोडे, ब्रम्हा मुळे, प्रा. वाघ यांनी मोलाचे मार्गदर्शन उवस्थित समजबंधवाना केले.
यावेळी स्वागत गीत रेणू बढे, संगीता पुसदेकर, सुरेखा रडके, शीतल बढे यांनी म्हंटले.कार्यक्रमाचे प्रास्ताविक श्री हेमंत गलांडे, सूत्रसंचालन संगीता पुसदेकर, तरी आभार प्रदर्शन संगीता पालकर यांनी केले .
कार्यक्रमाच्या यशस्वीतेकरिता संगीता बढे, संगीता पुसदेकर, सुरेखा रडके,ज्योत्स्ना शेलोटे,रेणू बढे, सुरेखा थुटे,प्रवीण शेळके, हेमंत गलांडे, श्रीकांत कोळसे, विनोद दोंदल, संदीप तेलंगे, पद्माकर राऊत, प्रकाश खुडसंगे, अनुप फलके, विनोद सातपुते, राजेंद्र भोयर, प्रशांत वाणी, शीतल बढे आदींनी सहकार्य केले.