महिन्याला लाखो रुपये ग्रामसंघातून जाते प्रभागसंघाला याचा वाली कोण ? क्षमता बांधणी अधिकाऱ्यांना कुणाचे पाठबळ ? जिल्हा अधिकारी यांनी या क्षमता बांधणी अधिकाऱ्यांची कसून चौकशी केल्यास उमेदचा लाखो रुपयांचा भ्रष्टाचार चव्हाट्यावर आल्याशिवाय राहणार नाही.

राळेगाव तालुका प्रतिनिधी-रामभाऊ भोयर (9529256225)

राळेगाव तालुक्यातील रिधोरा परिसरा स इतरही परिसरात उमेद महाराष्ट्र राज्य ग्रामीण जीवनोन्नती अभियानाच्या कामात लाखो रुपयांचा भ्रष्टाचार क्षमता बांधणी अधिकारी यांच्या आशिर्वादाने होत असल्याचा या परिसरात महिलांन मध्ये बोलल्या जात आहे. सविस्तर वृत्त असे शासनाने राळेगाव तालुक्या साठी करोडो रुपये निधी उमेद महाराष्ट्र राज्य ग्रामीण जीवनोन्नती अभियान यांना मंजूर करून दिला आहे. हा निधी महिला सक्षमीकरण करण्यासाठी दिला आहे परंतु हा निधी ग्रामीण भागातील महिलांना न जाता अधिकाऱ्यांच्या घशात जात असल्याची ओरड महिला करतांना दिसत आहे. सदर हा प्रकार क्षमता बांधणी अधिकारी यांच्या अडेल टंटु पणामुळे होत आहे.तर पी.जी.चे गट म्हणजे कापूस उत्पादक गट,सोयाबीन उत्पादक गट,तुर उतपादक गट हे गट तयार करून या गटाला शासनाने एक ते दोन लाख रुपये निधी उपलब्ध करून दिला आहे. परंतु या गटाला दोन दोन लाख रुपये निधी देऊन सुद्धा हे गट बंद का? सदर वडकी क्लस्टर मधून एका ग्रामसंघातून महिन्याला लाखो रुपये प्रभागसंघाला जमा केली जाते हा पैसा प्रभागसंघाला यासाठी जमा केला जाते का पुढील महिलांना या पैशातून छोटा मोठा उद्योग सुरू करून आपला उदरनिर्वाह होईल परंतु येथील क्षमता बांधणी अधिकारी हा महिलांचाच पैसा महिलांना देण्यास टाळाटाळ करत असल्याचे दिसून येते आहे. कारण प्रभागसंघातुन पैसा घेण्याची परवानगी क्षमता बांधणी अधिकारी यांच्या कडून घेतली जातात परंतु हा अधिकारी फक्त ग्रामसंघातून प्रभागसंघाला पैसे जमा करायला सांगत असतात सदर लाखो रुपये प्रभागसंघाला जमा होत असुन सुध्दा वडकी येथील दुध डेअरी बंद पडली आहे सदर क्षमता बांधणी अधिकारी यांच्या दुर्लक्षित धोरणामुळे व अडेल टंटु पणामुळे या परिसरातील महिला व्यवसायापासुन वंचित राहत असल्याचे दिसून येत आहे. सदर वडकी क्लस्टर मध्ये अंदाजे ३८ ते ४० ग्रामसंघ असुन हे ग्रामसंघ प्रभागसंघाला जोडल्या गेली आहे. सदर एका ग्रामसंघातून प्रभागसंघाला ३ ते ४ लाख रुपये जात आहे. तर कोटी रुपये प्रभागसंघाला जात असुन ग्रामीण भागातील महिला व्यवसायापासुन वंचित का ? असा प्रश्न महिलांन मध्ये होतांना दिसत आहे.सदर ग्रामसंघाने प्रभागसंघाकडे पैसे यासाठी जमा केली की ग्रामसंघ असो की ग्रामसंघातील एखादा महिला बचत गट असो जर व्यवसाय सुरू करण्यासाठी इच्छुक असेल तर त्यांना प्रभागसंघातुन व्यवसायासाठी पैसा दिला जातो. परंतु क्षमता बांधणी अधिकारी यांच्या अडेल टंटु पणामुळे या परिसरातील महिला रोजगारापासुन वंचित राहत असल्याचे दिसून येत आहे. सदर हा महिलांचाच पैसा महिलांनाच मिळत नसल्याने महिला मध्ये नाराजी होतांना दिसत आहे. सदर येथील क्षमता बांधणी अधिकारी यांच्या मनमानी कारभार कंटाळून येथील महिलांची गटामध्ये काम करण्याची इच्छा होत नसल्याची काही महिलांना सांगितले आहे. उलटा चोर कोतवाल को डाटे अशी परस्थिती सध्या या परिसरात दिसून येत आहे. सदर महिन्याला हजारो रुपये पगार घेऊन सुद्धा हा क्षमता बांधणी अधिकारी या परिसरात अजूनही फिरकला नाही. अशा नाकमुजुर अधिकाऱ्यांना कुणाचे पाठबळ ? असा प्रश्न या परिसरातील महिला करतांना दिसत आहे. तरी याबाबत जिल्हा अधिकारी अमोल येडगे यांनी उमेद महाराष्ट्र राज्य ग्रामीण जीवनोन्नती अभियान राळेगाव येथील क्षमता बांधणी अधिकारी यांची कसुन चौकशी केल्यास लाखो रुपयांचा भ्रष्टाचार चव्हाट्यावर आल्याशिवाय राहणार नाही.तर पि.जी.गटाला दोन दोन लाख रुपये शासनाने उद्योगासाठी दिले आहे. परंतु या दोन लाखाची वसुली सात रुपये टक्यानी केली जात असल्याची माहिती महिलांन कडून मिळत आहे. सदर उमेद महाराष्ट्र राज्य ग्रामीण जीवनोन्नती अभियाना अंतर्गत राबविण्यात येणाऱ्या योजना फक्त राळेगाव तालुक्यातील एकलारा हे गाव सोडले तर असे एकही गाव नाही का या उमेदच्या नावावर महिला सक्षमीकरण झाले आहे. फक्त महिला सक्षमीकरण झाले असे सांगून महिन्याला लाखो रुपयांचे पगार घेणे चालू आहे. सदर ग्रामीण भागातील महिलांचे सक्षमीकरण न होता महिलांच्या नावावर क्षमता बांधणी अधिकाऱ्यासह इतरही कर्मचाऱ्यांचे सक्षमीकरण होत असल्याचे दिसून येत आहे
प्रतिक्रिया परिसरातील महिलांची तक्रार आली किंवा चौकशी दरम्यान असे काही आढळल्यास संबंधित अधिकारी यांच्यावर आम्ही कार्यवाही करू
विनायक ठंमके
प्रकल्प संचालक यवतमाळ