राळेगाव तालुका प्रतिनिधी-रामभाऊ भोयर (9529256225)

इंग्रजी माध्यमांच्या शाळेचे सध्या आलेले अमाप पीक रुजवून वाढविण्यासाठी सर्वच सामाजिक घटक जबाबदार असल्याची चित्र सध्या आहे. समाजाला खुलेआम पणे लुटणारे खाजगी दवाखाने, खाजगी शाळा विद्यालय, यांची कु प्रसिद्धी जोरावर आहे, यातील कुणाला काही समजत नाही म्हणून ही व्यवसाय भरभराटीस आल्याचे दिसत आहे.
समाजाला दिशा देणारे शासनाकडून पन्नास हजार ते लाख रुपये पगार घेणारे शिक्षक, प्राध्यापक, अधिकारी, कर्मचारी यांची मुले मुली इंग्रजी माध्यमांच्या शाळेत प्रवेश करीत आहे, संबंधित पालक हे स्वतः जिल्हा परिषद किंवा शासकीय शाळेत शिकूनच अधिकारी पदापर्यंत पोहोचलेले असताना आपल्या पाल्यांना इंग्रजी शाळा घालण्याची हट्टाहास का करतात हे न उलगडणारे कोडे आहे. मराठी शाळेत शिकणारे मुले ही गुणवंत नसतात का किंवा त्यांना शिकवणारे शिक्षक हे गुणवत्ताधारक नसतात का असे प्रति प्रश्न त्यानिमित्ताने निर्माण होण्यास जागा आहे. ज्यांनी जिल्हा परिषदेच्या शाळेत किंवा शाळेच्या शासकीय शाळेत शिक्षण घेतले ते आज अनेक उच्च पदावर विराजमान आहे पण त्यांना मिळालेला मिळणारा गले लठ्ठपगार हा तर कारणीभूत नाही की आपला मुलगा “उच्चभृ”शाळेत शिकावा असे वाटत असावे. इंग्रजी माध्यमांच्या शाळा सीबीएससी पॅटर्न शाळेची फी ही भरमसाठ असते या व्यतिरिक्त क्षणासाठी व शिक्षणासह लागणारा गणवेश बूट हे देखील शाळेमार्फत खरेदी करावे लागते हे सर्व कार्यक्रम नियमबाह्य असूनही उच्चविद्या विभूषिताची अंतिम शिक्षण घेतलेली पाल्य अट्टाहासनेच अशा महागड्या शाळेत प्रवेश घेतात.
राळेगाव शहरा व तालुक्यात दहा-बारा इंग्रजी माध्यमांच्या शाळा गेल्या पाच सात वर्षापासून 90% वर निकाल देणाऱ्या म्हणून प्रसिद्ध आहे या उलट जास्त पगार घेणारे शिक्षक, प्राध्यापक त्यांच्या शाळा, कनिष्ठ महाविद्यालय यांचा निकाल जमते मत असतो मग हा फरक का असतो..,,? खाजगी शाळेत जनतेने पगार किती शिक्षण घेतले? कोठे घेतले? याची शहानिशा कोणीच करत नाही तरीही निकालावरच शाळेची प्रगती दर्शविल्या जाते हेही चमत्कारीचच म्हणावे लागेल.!
काही बहाद्दर महाभागांना आपल्या पाल्यांचे भरमसाठ शिक्षण शुल्क देणे जीवावर आल्याने आंदोलनाचा पवित्रा वेळोवेळी उभा केला जातो यामध्ये आपलाही लाभ होईल याच उद्देशाने अनेक नामवंत महाभाग आंदोलनात उतरले असल्याचे निदर्शनास येत आहे.
फक्त स्वार्थापोटी यांचा आंदोलनाचा पवित्रा जनतेने ओळखला असून आजवर केलेल्या उपद्रव्याची आंदोलनाचे फलित काय असा प्रश्नही जनतेच्या मना घर केल्यापासून राहणार नाही. सीबीएससी पॅटर्नच्या शाळेमधून दहावी उत्तीर्ण झालेल्या व चांगले गुण घेतलेल्या मुलांना, अकरावी प्रवेश घेताना स्टेट बोर्ड प्रवेश करणाऱ्या विद्यार्थ्यांना काय म्हणावे…?? अकरावी बारावी मध्ये सीबीएससी करण्यामध्ये विद्यार्थी व विद्यार्थिनींना रस का नसावा..?? मग के जीवन पासून दहावीपर्यंत चार ते पाच लाख रुपये खर्च करून काय फायदा याना अशा अनेक प्रश्नांनी यानिमित्ताने डोके वर काढलेले असताना सर्व पालकांनी याची लक्षणे लक्षात घेणे लक्षणीय आहे महत्त्वाचे आहे तितकेच गरजेचेही आहे.
राळेगाव मध्ये जिल्हा परिषद च्या खाजगी मराठी शाळा चांगल्या दर्जेदार शिक्षण देणाऱ्या आहेत पण मात्र पालक इकडे अशांशाळेकडे आपली मुले का घालत नाही किंवा का टाकत नाही असा प्रश्न जेव्हा निर्माण होतो तेव्हा कदाचित म्हणूनच की काय इंग्रजी माध्यमांच्या शाळा भरभराटीस येण्यासाठी आपणच समाजातील घटक जबाबदार नाही का..,?
शिक्षण हे सर्वांगीण सुधारण्याचे प्रवेशद्वार असते मानवांच्या आर्थिक सामाजिक भाषिक शैक्षणिक सांस्कृति विकास हा शिक्षणातून होतो मानवी मूल्यांची उत्पत्ती ही आजवर शिक्षणातूनच निर्माण होत आलेली आहे नैतिक मूल्य व सामाजिक जडणघडण याची शिकवण याच शिक्षणातून मिळावे व या दर्जेदार शिक्षणातून घडलेला प्रत्येक तरुण या देशाच्या प्रगतीसाठी व उत्कर्षासाठी म्हणून तयार झाला पाहिजे व त्याचा लाभ देशासाठी झाला पाहिजे ही भूमिका आज सजग झाली पाहिजे तरच खऱ्या अर्थाने आजच्या शिक्षणाला अर्थ उरतो.