स्वातंत्र्याच्या अमॄत महोत्सांतर्गत हर
घर तिरंगा जनजागृतीसाठी के.बी.एच.विद्यालय पवननगर येथे मा. मुख्याध्यापक आप्पा पवार यांच्या मार्गदर्शनाखाली जनजागृती रॅली काढण्यात आली. लेझीम पथक , स्काऊट, गाईड पथक , विविध वेशभूषा केलेले, घोषवाक्य व तिरंगा हातात घेऊन विद्यार्थी मोठ्या संख्येने सहभागी झाले होते.
स्वातंत्र्याच्या अमॄत महोत्सवाचे औचित्य साधून शाळेत दि.१०/८/२०२२ रोजी रांगोळी व निबंध स्पर्धा आयोजित करण्यात आली होती. कार्यक्रमास मुख्याध्यापक आप्पा पवार , उपमुख्याध्यापिका युगंधरा देशमुख , पर्यवेक्षक उमेश देवरे हे उपस्थित होते. कार्यक्रम यशस्वी करण्यासाठी कविता सोनवणे ,विद्या गिते ,,रोषनी पाटील , विजय निकम ,भिमसिंग पवार ,हिरे , साळुंखे व विद्यालयातील सर्व शिक्षक , शिक्षकेत्तर बंधू भगिनींनी यांनी मोलाचे सहकार्य केले.
रांगोळी व निबंध स्पर्धेतून प्रथम तीन क्रमांक मिळविलेल्या विद्यार्थ्यांची नावे घोषित करण्यात आली. राष्ट्रगीता नंतर कार्यक्रमाची सांगता करण्यात आली.
