नाशिक मध्ये मागच्या तीन दिवसांमध्ये मोठ्या प्रमाणात अँटीकरप्शनच्या अधिकाऱ्यांकडून सरकारी अधिकारी लाच घेताना पकडले जात असताना आज नाशिकमध्ये पुन्हा सीबीआयने सिडको स्थित असलेल्या जीएसटी भवनवर धाड टाकली आहे आणि सीनियर अधीक्षक चव्हाणके यांना लाच घेताना रंगेहात पकडले आहे.
सीबीआयच्या लाचलुचपत खात्याकडून करण्यात आलेल्या कारवाईच्या अनुषंगाने एक मोठे घबाड यात सापडण्याची दाट शक्यता वर्तवली जात आहे.
गेल्या तीन दिवसात चार भ्रष्टाचाराच्या कारवायांमुळे नाशिक शहरात भ्रष्टाचाराच्या केसेसला महापूर आलेला आहे असे नागरिकांमध्ये बोलले जात आहे आणि लाचलुचपत खाते तसेच सीबीआय यांच्या या कारवाईचे नागरिकांकडून स्वागतच केले जात आहे.
