वरोरा शहरातील सुंदरवन ले आऊट ,शगुण हॉल तसेच चंद्रपूर नागपूर महामार्गावर असलेल्या धाब्याजवळ वाघाने दर्शन दिल्याचे नागरिकांचे म्हणणे आहे.दोन दिवासाधीच वणी तालुक्यातील रांगणा भुरकी येथे एका तरुण युवा शेतकऱ्यांचा वाघाने बळी घेतला होता.
[वाघाने केली शेतकरी तरुणाची शिकार
वणी तालुक्यातील भुरकी (रांगना) येथिल शेतशिवारात वाघाने एका तरुणाची शिकार केल्याची खळबळजनक घटना उघडकीस आली आहे.
अभय मोहन देउळकर (२५) असे मृतकाचे नाव आहे.
अभय हा दररोज प्रमाणे आज दि. १० नोव्हेंबर ला बुधवारी शेळ्या चराईला घेऊन शेत शिवारात गेला होता. दरम्यान सायंकाळ होताच शेळ्या घराकडे परत आल्या परंतु अभय हा वापस आला नाही. घरच्यांनी गावात शोधाशोध केली परंतु कुठेही आढळुन न आल्याने अखेर त्याचा शोध घेतला असता झाडाझुडपात त्याचा मृतदेह आढळून आला. या घटनेची माहिती वनविभागाला दिली असता वन विभागाची चमु घटनास्थळी पोहोचले आहे. सद्या वणी तालुक्यात वाघांचा वावर सुरू झाल्याने व आता मानव हानी होऊ लागल्याने शेतकरी शेतमजूर व नागरिकांत भितीचे वातावरण निर्माण झाले आहे. सद्या कापूस वेचणीची लगबग सुरू असतानाच आता वाघाची दहशत निर्माण झाल्याने वाघांचा बंदोबस्त करण्याची मागणी होत आहे.]
वरोरा शहरातील सुंदरवन ले आऊट या भागात वाघ दिसल्याचा दावा करणारा एक व्हिडिओ समाजमाध्यमांवर चांगलाच वायरल होट आहे परंतु तो व्हिडीओ वरोरा शहरातील नसून वणी तालुक्यातील रांगणा भुरकी भागातील असल्याचे स्पष्ट झाले.व्हिडिओ जरी चुकीचा असला तरी वरोरा शहरातील काही भागात वाघाचे दर्शन झाले ही गोष्ट खरी असल्याचे सांगितले जात आहे.या घटनेमुळे वरोरा शहरातील नागरिकांमध्ये भीतीचे वातावरण निर्माण झाले आहे.काल रात्री काही वेळासाठी वाघ पाहण्यासाठी सुंदरवन ले आऊट येथे नागरिकांनी एकच गर्दी केली होती.वनविभागाच्या कारवाईवर सर्वांचे लक्ष लागले आहे.
