चंद्रपूर जिल्ह्यातील राजुरा येथे आज अज्ञात इसमाने केलेल्या गोळीबारात भाजयुमो नेते सचिन डोहे यांची पत्नी पूर्वशा डोहे यांचा जागीच मृत्यू झाला. अन्य एका व्यक्तीच्या पाठीला गोळी लागल्याने त्याला चंद्रपूर येथे हलविण्यात आले
आहे.मिळालेल्या माहितीनुसार राजुरा शहरातील सोमनाथपूर वॉर्ड येथे राहणाऱ्या लल्ली नावाच्या व्यक्तीला वादातून मारण्यासाठी अज्ञात व्यक्ती शहरात आले होते. ही बाब लल्लीच्या लक्षात येताच तो रात्री 8 ते 8:30 च्या दरम्यान भाजयुमो
जिल्हा उपाध्यक्ष डोहे ह्यांच्या घरात शिरला. तेव्हा त्याच्या मागावर
असलेल्या मारेकऱ्यांनी त्याचेवर अंधाधुंद गोळीबार सुरू केला.
त्याच वेळी पूर्वशा डोहे छातीत गोळी लागून त्या जागीच पडल्या तर लल्लीच्या पाठीला गोळी लागली.

घटना लक्षात येताच घरातील मंडळींनी शेजाऱ्यांच्या मदतीने दोघानाही तत्काळ उपजिल्हा रुग्णालय राजुरा येथे दाखल केले मात्र वैद्यकीय अधिकाऱ्यांनी पूर्वशा डोहे ह्यांना मृत घोषित केले तर गंभीर जखमी असलेल्या लल्ली याला चंद्रपूर येथे उपचारासाठी हलविण्यात आले. घटनेच्या वेळी भाजयुमो जिल्हा उपाध्यक्ष सचिन डोहे घरी नव्हते.