राळेगाव तालुक्यातील येवती येथील महिला शेतकरी श्रीमती कुसुम मारोतराव घुगरे यांचे शेता मधील विहिरीवर बसवलेल्या सौर ऊर्जा पॅनलचे दिनांक २१ जुलै रोजी झालेल्या मुसळधार पावसामुळे मोठे नुकसान झाले .
येवती येथील महिला शेतकरी श्रीमती कुसुम मारोतराव घुगरे यांचे गट क्रमांक १२३/१ मधील शेतातील विहिरीवर सौर ऊर्जा पॅनल बसविले होते . ते सध्या तालुक्यात आलेल्या 21 जुलै रोजी च्या मुसळधार पावसाने त्या सौर ऊर्जा पॅनलच्या प्लेट फुटल्या व पॅनलचे खूप नुकसान झाले. त्यामुळे ही महिला शेतकरी खूपच विवंचनेत असून सौर ऊर्जा प्लेटच्या झालेल्या नुकसानाची शासनाकडून भरपाई मिळणार का याकडे या महिला शेतकऱ्याचे लक्ष लागले आहे . सौर ऊर्जा पॅनलचे मोठ्या प्रमाणावर नुकसान झाले असल्याचा ग्रामपंचायत प्रशासनाने पंचनामा सुद्धा केला आहे तेव्हा शासनाकडून काय मदत मिळते याकडे सदर महिला शेतकऱ्याचे लक्ष लागले आहे.