सहसंपादक : रामभाऊ भोयर
राळेगांव तालुक्यातील पिंपरी सावित्री येथील एका शेतकऱ्याने असाह्य झाल्याने शेवटी चिडून जाऊन शेतातील लाईट कापण्यासाठी आलेल्या महावितरण कंपनीच्या अधिकाऱ्याला चांगलाच चोप दिला.हि घटना भाऊबीजेच्या दिवशी दुपारी अडीच वाजता दरम्यान घडली असून या प्रकरणी वडकी ठाण्यात शेतकऱ्याच्या विरोधात विविध कलमान्वये गुन्हे दाखल करण्यात आले आहेत.
या बाबत मिळालेल्या माहितीनुसार पिंपरी सावित्री येथील शेतकरी प्रकाश नत्थूजी देहारकर यांचे पिंपरी ते खैरी मार्गावर शेत जमीन असुन यांनी काही महिन्यांपूर्वी शेतातील विज मागणीसाठी महावितरण कंपनी वडकीकडे रीतसर अर्ज करुन (डिमांड) पैशाचा भरणा केला होता.सदर शेतकऱ्यांने वारंवार विज जोडणीसाठी महावितरण कडे विनंती देखील केल्याचे समजते.मात्र कनेक्शन न मिळाल्याने शेवटी नाईलाजाने पिकं करपू लागल्याने त्यांनी तात्पुरत्या स्वरुपात केबल टाकून लाईट घेतली व पिकांना पाणी देण्यास सुरुवात केली मात्र अशातच हि बाब महावितरण कंपनीचे अभियंता गिरी यांच्या लक्षात येताच अभियंता गिरी यांनी १५ नोव्हेंबर रोजी दुपारी अडीच वाजता दरम्यान सदर शेतकऱ्याचे शेत गाठून अनाधिकृत टाकण्यात आलेला केबल काढून घेतला.दरम्यान पाण्याअभावी आपलं हातातोंडाशी आलेले पिके करपून जाईल व वर्षं भर केलेली मेहनत वाया जाईल.परीणामी लोकांचं देणं कसं करावं या विवंचनेत आलेल्या शेतकऱ्याने असाह्य होवून नाईलाजास्तव टोकाचं पाऊल उचलले व शेवटी चिडून जाऊन विज कापणी साठी आलेल्या अभियंता गिरी यांना चांगलेच बदडले.या प्रकरणी अभियंता गिरी यांनी वडकी पोलिस ठाण्यात दिलेल्या तक्रारीवरून पोलिसांनी शेतकरी प्रकाश देहारकर यांच्या विरोधात कलम ३५३,३३२,५०४ कलमान्वये गुन्हा दाखल करुन शेतकरी देहारकर यांना अटक करण्यात आली.
