चंद्रपूर:- येथील वेकोलीच्या ररुग्णालयासाठी देण्यात आलेल्या रुग्णवाहिका चालकांना मागील दोन महीन्यापासून वेतन मिळत नसल्याने संतप्त झालेल्या रुग्णवाहिका चालकांनी रुग्णवाहिका थेट मुख्य महाप्रबंधकाच्या कार्यालयात आणून उभ्या केल्या . जोपर्यंत वेतन आणि बोनस मिळणार नाही तोपर्यंत संप चालु ठेवण्याच्या निर्णय घेतल्याने वेकोलिच्या रुग्णालयातील रुग्णांना ये- जा करण्यास मोठी अडचण निर्माण झाली होती .रुग्णवाहिका चालकांना वेळेवर वेतन मिळत नसल्याने कुटुबांचा उदरनिर्वाह करण्यासाठी अनेक समस्यांना तोंड द्यावे लागत होते. इतकेच नव्हे तर रुग्णवाहिका चालकांना कामावरून काढण्याची धमकी सुद्धा देण्यात होती .हि बाब मनसेचे जिल्हासचिव श्री. किशोर मडगुलवार मनविसे जिल्हाउपाध्यक्ष श्री. कुलदिप चंदनखेडे, प्रविण शेवते, क्रिष्णा गुप्ता यांना कळताच त्यांनी रुग्णवाहिका चालकांशी चर्चा करून त्यांच्या समस्या जाणून घेत हायप्राईड या कंपनीचे कंत्राटदार व मूख्य महाप्रबंधक साहेब यांची भेट घेऊन आज दिनांक १७/१२/२०२३ ला या १८रुग्णवाहिका चालकांना वेळेवर वेतन देण्यात यावे तसेच यांच्या सर्व समस्याचे निराकारन करावे अशी मागणी केली असता संबंधीत कंत्राटदार व मूख्य महाप्रबंधक यांनी वेतन १२५००/- या वेतनात वाढ करून १४ हजार दरमहा वेतन दिले जाणार आणि महिन्याच्या १५ तारखेपर्यंत नियमीत वेतन देण्याचे आश्वासन दिले असून मनसेच्या माध्यमातून या रुग्णवाहिका चालकांना न्याय मिळाला आहे .रुग्णवाहिका चालकांनी मनसेचे आभार मानले असून श्री. किशोर मडगुलवार जिल्हासचिव मनसे, श्री. कुलदीप चंदनखेडे जिल्हा उपाध्यक्ष मनविसे, श्री.प्रविण शेवते तालूका उपाध्यक्ष मनविसे तथा मनसेचे रुग्णमित्र श्री. क्रिष्णा गुप्ता आणि मनसैनिक उपस्थित होते यांचे सर्व स्तरावरून कौतुक केले जात आहे….
